Sýningin Í barnastærðum opnar í Hafnarborg nk. laugardag 13. mars 2010. Sýningin veitir innsýn í heillandi heim hönnunar fyrir börn. Sýningargestir á öllum aldri kynnast leikföngum og húsgögnum sem sérstaklega eru hönnuð fyrir börn og sækja innblástur í leiki þeirra og hugmyndaheim. Bæði verður sýnd íslensk og alþjóðleg hönnun en eitt af meginmarkmiðum sýningarinnar er að skoða verk íslenskra hönnuða. Sýningarstjóri er Tinna Gunnarsdóttir hönnuður. Sýningin stendur til 2. maí 2010. .