Hönnunarstefna fyrir Íslands



Tillaga starfshóps að hönnunarstefnu 2013-2018 var kynnt í ríkisstjórn 12. mars 2013. Markmiðið með mótun hönnunarstefnu fyrir Ísland er að auka vægi hönnunar í allri vöruhugsun, vöruþróun og framleiðslu með það að sjónarmiði að styrkja samkeppnisstöðu íslenskra fyrirtækja og auka verðmætasköpun.

Atvinnuvega- og nýsköpunarráðuneyti og mennta- og menningarmálaráðuneyti munu á grundvelli tillögu starfshóps vinna endanlega hönnunarstefnu stjórnvalda og útfæra nánar tillögur að aðgerðum. Samtímis munu ráðuneytin vinna að því að hrinda í framkvæmd þeim aðgerðum sem rúmast innan fjárheimilda.

Tillaga að Hönnunarstefnu 2013-2018

Í ársbyrjun 2011 skipaði iðnaðarráðherra þriggja manna starfshóp til að vinna tillögu að hönnunarstefnu. Hópinn skipuðu Sigurður Þorsteinsson formaður, fulltrúi iðnaðarráðherra auk Jóhannes Þórðarsson tilnefndur fyrir mennta- og menningarmálaráðherra og Halla Helgadóttir tilnefnd af Hönnunarmiðstöð Íslands.

Hönnunarstefnan var unnin í nánu samstarfi við fulltrúa atvinnulífsins og hönnunargeirans. Drög að stefnunni fóru í fjögurra vikna kynningarferli á vegum atvinnuvega- og nýsköpunarráðuneytis í janúar og febrúar s.l. Umsagnir sem bárust voru hafðar til hliðsjónar í þeim stefnudrögum sem hér liggja fyrir.

Víða hafa þjóðir áttað sig á mikilvægi hönnunar í stærra samhengi og markað sér hönnunarstefnu. Finnland hefur til að mynda markað sér heildstæða hönnunarstefnu til að styðja við hagkerfið og efla samkeppnishæfni. Er það mat sérfræðinga að innleiðing heildstæðrar hönnunarstefnu þar í landi hafi skipt verulegu máli við að leysa efnahagskreppuna á níunda áratugnum. Efling hönnunar hefur því efnahagslegan ávinning svo fremi sem hönnun er þáttur í stefnu stjórnvalda og fyrirtækja.

Stoðir stefnunnar eru:
• Menntun og þekking – byggja upp, efla og styrkja hönnunarmenntun
• Starfs- og stuðningsumhverfi – auka faglegar áherslur, einfalda leiðir og efla frumkvæði
• Vitundarvakning – fræða, kynna og sýna íslensk verkefni á sviði hönnunar


Frá Hugmyndafundi í Tjarnarbíó 15. júní 2011 | Höfundar myndefnis: www.glamour.is

Iceland Design Policy from Iceland Design Centre on Vimeo.


NÝR FARVEGUR | RÁÐSTEFNA 26. ÁGÚST 2011 Í HÖRPU

NÝR FARVEGUR | RÁÐSTEFNA UM HÖNNUNARSTEFNU ÍSLANDS: DAGSKRÁ | FYRIRLESARAR

HUGMYNDAFUNDUR VEGNA HÖNNUNARSTEFNU 15. JÚNÍ 2011

KYNNING HÖNNUNARMIÐSTÖÐVAR Í TJARNARBÍÓI 25. FEBRÚAR 2011

FRAMKVÆMDAÁÆTLUN IÐNAÐARRÁÐUNEYTIS


RANNSÓKNARVINNA FYRIR GERÐ HÖNNUNARSTEFNU ÍSLANDS


Umfjöllun í fjölmiðlum, um Mótun hönnunarstefnu Íslands og um ráðstefnuna Nýr farvegur | Ráðstefna um hönnunarstefnu Íslands


Viðtal við John Thackara í Viðskiptablaðinu, 1. september 2011 og netútgáfa 5. september: http://www.vb.is/frett/65788/

Viðtal við John Thackara í Víðsjá, Rás 1, fimmtudaginn 25. ágúst 2011: http://dagskra.ruv.is/ras1/4555712/2011/08/25/0

Umfjöllun um ráðstefnuna og viðtal við Jan R. Stavik í kvöldfréttum RÚV, laugardaginn 27. ágúst 2011: http://dagskra.ruv.is/sjonvarpid/4547448/2011/08/27/9

Umfjöllun um verkefnið Mótun hönnunarstefnu og viðtal við Sigurð Þorsteinsson, formann stýrihóps í Kastljósi, 25. ágúst 2011: http://dagskra.ruv.is/sjonvarpid/4579978/2011/08/25/1

Viðtal við Höllu Helgadóttur, framkvæmdastjóra Hönnunarmiðstöðvar, og meðlim stýrihóps um Mótun hönnunarstefnu í Samfélaginu í nærmynd, Rás 1, 25. ágúst, 2011: http://dagskra.ruv.is/ras1/4556114/2011/08/25/

Viðtal við Sigríði Sigurjónsdóttur, vöruhönnuð í Fréttablaðinu fimmtudaginn 25. júní 2011, bls 34: http://www.visir.is/ExternalData/pdf/fbl/110825.pdf

Viðtal við Auði Ösp Guðmundsdóttur í Helgarblaði Fréttatímans 25.-26. ágúst 2011 og á vef Fréttatímans: http://www.frettatiminn.is/daegurmal/miklu_meira_en_bragdgod_magafylli/