Gabriela Sánchez y Sánchez de la Barquera, sköpunarstjóri Vlisco kemur fram á DesignTalk 2022, alþjóðlegu ráðstefnunni og lykilviðburði HönnunarMars, sem varpar ljósi á hvernig hönnun og arkitektúr getur tekið þátt í uppbyggingu og framþróun og verið hreyfiafl breytinga. 

Gabriela Sánchez y Sánchez de la Barquera fór frá Mexíkó til Hollands í leit að nýju sjónarhorni á hönnun. 

Ferill hennar síðan þá hefur legið, í gegnum hönnun á textíl prenti fyrir Vlisco, að stofnun sprotafyrirtækis í vestur og mið-Afríku um uppbyggingu vettvangs ungs skapandi fólk í kvikmyndum, tísku, ljósmyndun, tónlist og myndlýsingum.

Árið 2019 kom Gabriela af stað hönnunarverkefni sem safnaði 1,5 milljón dollara til styrktar konum sem hafa þurft að sæta kynbundnu ofbeldi í stríðsátökum í austur Kongó.

Núna, sem listrænn stjórnandi hjá Vlisco, rótgrónum hollenskum efnaframleiðanda fókuserar hún á hvernig vörumerki og fyrirtæki geta nýtt sér hönnun með því að umbreyta þessu 175 ára gamla framleiðslufyrirtæki í lúxusmerki í Afríku. 

Hún stýrir hönnunarteyminu og ber ábyrgð á stefnu þess, ásýnd merkisins stafrænt og í sex Afríkulöndum, alhliða markaðsmálum, nýsköpun og vöruþróun sem og sjónrænni og fagurfræðilegri upplifun viðskiptavina af öllum snertiflötum við fyrirtækið.

DesignTalks 2022 snýr aftur á dagskrá þann 4. maí í Silfurbergi í Hörpu og stjórnandi er Hlín Helga Guðlaugsdóttir og kynnir verður Marcus Fairs, ritstjóri og stofnandi ein virtasta hönnunarmiðils í heimi í dag, Dezeen, sem tengir samtalið alþjóðlegu samhengi og dregur fram mikilvægi þess fyrir breiðari hóp. 

Dagskrá dagsins verður ferðalag um fornar aðferðir, seiglu, handverk og frumbyggja visku, um tilraunir til endurhugsunar núverandi kerfa, viðbragð við krísuástandi, hönnun upplýsinga, tækni og gagnalæsi yfir í útvíkkaða raunveruleika og spáhönnun sem dregur upp framtíðarmyndir til að spegla og rýna samtímann.

„Þetta verður hátíð ímyndunaraflsins - og stund íhugunar.”

Búið er tilkynna þau Aamu Song og Johan Olin, listamenn og hönnuði hjá Company,  Anders Lendager, arkitekt, framkvæmdastjóra og stofnanda Lendager Group,  Liam Young, leikstjóra og sci-fi arkitekt, Giorgiu Lupi, upplýsingahönnuð og partner hjá Pentagram, Stefán Laxness, arkitekt og fræðimann og Valdís Steinarsdóttir, hönnuð.

Það stefnir í fjölbreyttan dag í Hörpu þann 4. maí  - fylgstu með hér er við tilkynnum hverjir fleiri koma fram á DesignTalks 2022.

DesignTalks er lykilviðburður HönnunarMars hátíðarinnar sem í ár breiðir úr sér um höfuðborgarsvæðið dagana 4. - 8. maí!

Vertu með og taktu þátt í að skapa framtíðina! 
- Viltu fjölmenna og panta fyrir hóp? Vinsamlegast hafðu samband við midasala@harpa.is s. 5285050
*Minnum á að kanna möguleika á niðurgreiðslu stéttarfélaga vegna miðakaupa.

DesignTalks 2022 - COMPANY, Aamu Song og Johan Olin, listamenn og hönnuðir

DesignTalks 2022 - Anders Lendager, arkitekt, stofnandi og framkvæmdastjóri Lendager Group

DesignTalks 2022 - Stefán Laxness, arkitekt, fræði- og listamaður

DesignTalks 2022 - Giorgia Lupi, upplýsingahönnuður og partner hjá Pentagram

DesignTalks 2022 - Liam Young, sci-fi arkitekt og leikstjóri 

DesignTalks Reykjavík snýr aftur 2022! 

DesignTalks 2022 - Gabriela Sánchez y Sánchez de la Barquera, sköpunarstjóri

Deila

Tögg