Umsókn ásamt fylgigögnum skal senda til stjórnar FÍLA, ritari@fila.is

Félagsmenn eru nú um 100 manns. 

Félagsaðild: Fullgildir félagsmenn, íslenskir eða erlendir geta þeir orðið sem lokið hafa námi í landslagsarkitektúr eða sambærilegu mastersnámi við menntastofnanir sem eru viðurkenndar af félaginu sbr. inntökureglur FÍLA. Rafrænt umsóknarform má finna á eftirfarandi síðu: Umsókn um félagsaðild | FILA

Námsmannaaðild: Nemar í landslagsarkitektúr geta sótt um námsmannaaðild stundi þeir nám  við menntastofnanir sem félagið viðurkennir. Send er skrifleg beiðni til stjórnar FÍLA í pósti eða á netpósti ritari@fila.is. Stjórn getur farið fram á skriflega staðfestingu á skólasókn. Námsmenn geta setið alla almenna fundi og tekið þátt í ferðum og skemmtunum á vegum félagsins.  Stjórn FÍLA hefur heimild til að tilnefna einn nema sem áheyrnarfulltrúa í stjórn FÍLA en hann hefur þar ekki atkvæðis- eða tillögurétt. Námsmannaaðild veitir að öðru leyti hvorki rétt til setu í stjórn eða nefndum félagsins. Nemar hafa ekki rétt til að nota starfsheitið landslagsarkitekt né skammstöfunina FÍLA.

Meðferð umsóknar:  Stjórn félagsins tekur við umsóknum. Að lokinni umfjöllun stjórnar skulu umsóknir teknar fyrir á næsta stjórnarfundi og afgreiddar.  Nái inntökubeiðnin samþykki er umsækjandi upp frá því fullgildur félagsmaður. Stjórn tilkynnir umsækjanda afgreiðslu sína skriflega.

Félagsgjöld FÍLA skv. aðalfundi 2025

Árgjald félagsmanna skal ákveða á aðalfundi ár hvert að fengnum tillögum stjórnar.

Félagsgjöld skiptast í A-, B-, C- og D-gjöld.

Fullt félagsgjald fyrir starfsárið 2024-2025 er 30.000 kr.  Félagsgjöldin skiptast í tvær greiðslur.

o A-gjald er fullt félagsgjald.

o B-gjald er 80% af fullu félagsgjaldi og um það geta sótt félagar sem eru búsettir í lengra en 100 km fjarlægð frá höfuðborgarsvæðinu.
o C-gjald er 50% af fullu félagsgjaldi. Um það geta sótt:
– félagar sem eru búsettir erlendis.
– nýir félagar fyrstu þrjú árin eftir útskrift.
– félagar sem vegna sérstakra aðstæðna, sem stjórn telur gildar, hafa þörf fyrir lækkun árgjalds.
o D-gjald er 10% af fullu félagsgjaldi og er fyrir námsmenn.
o Heiðursfélagar og félagar 65 ára og eldri, er hafa verið a.m.k. 10 ár í félaginu, eru undanþegnir félagsgjaldi.