HA / Fréttir

DesignTalks er opnunarviðburður HönnunarMars sem hefur um árabil verið vettvangur fyrir alþjóðlegt og íslenskt samtal um framsækna hönnun, arkitektúr og samfélag. Þar koma saman hönnuðir, arkitektar og skapandi hugsuðir saman og  deila nýjum hugmyndum, verkefnum, lausnum og reynslu. Miðstöð hönnunar og arkitektúrs hefur skipað listrænt teymi framúrskarandi fagfólks úr ólíkum greinum hönnunar sem vinnur að mótun þema, innihalds og skapandi stefnu DesignTalks 2027.

Það styttist óðfluga í að við drögum fram lúðrana og marserum af stað á ný. HönnunarMars snýr aftur 7.-11. apríl 2027. Undirbúningurinn er kominn á fullt skrið og hugmyndirnar flæða. Það er sköpunargleði í loftinu. Framundan eru spennandi breytingar og nýjar áherslur.

114 er nýtt rými þar sem fjölbreyttur hópur íslenskra hönnuða og skapandi fólks kemur saman undir einu þaki.

Dýpi tók þátt í Helsinki Design Week í Finnlandi í vikunni, bæði sem hluti af hönnunar sýningunni Habitare Pro og viðburðinum Design Diplomacy í íslenska sendiráðinu í Helsinki. Mað þátttökunni gafst Dýpi tækifæri til að kynna sig á alþjóðlegum vettvangi og skapa ný tengsl milli íslensks og finnsks hönnunarsamfélags.

Hönnuður í fókus í septembermánuði er Sóldís Finnbogadóttir, grafískur hönnuður hjá Studio Dumbar. Þegar Sóldís Finnbogadóttir hélt til Rotterdam sumarið 2021 var planið að dvelja þar í þrjá mánuði í starfsnámi hjá Studio Dumbar. Fimm árum síðar er hún þar enn. Hún segir frá lífinu í Rotterdam, verkefnum sínum og AGI Open sem fer fram hér í Reykjavík í október.

Ertu að undirbúa umsókn í Hönnunarsjóð? Miðstöð hönnunar og arkitektúrs býður umsækjendum á opinn kynningarfund þar sem farið verður yfir helstu atriði sem gott er að hafa í huga við gerð umsóknar. Fundurinn fer fram í fjarfundi þriðjudaginn 8. september kl. 12:00–12:45 og er opinn öllum sem hyggjast sækja um styrk úr Hönnunarsjóði.

Arnhildur Pálmadóttir var útnefnd borgarlistamaður Reykjavíkur árið 2026 við hátíðlega athöfn í Höfða í gær á 17. júní, en hún er jafnframt fyrsti arkitektinn til að hlotnast hún er jafnframt fyrsti arkitektinn sem hlotnast sá heiður. Arnhildi þarf vart að kynna, hún var fulltrúi Íslands á Feneyjatvíæringnum í arkitektúr 2025 og árið 2024 hlaut hún umhverfisverðlaun Norðurlandaráðs fyrir þverfaglegt samstarf og nýstárlega nálgun á endurnýtt byggingarefni. Hún er stofnandi og eigandi arkitektastofunnar s. ap arkitektar sem sérhæfir sig í sjálfbærni og hringrásarhugsun í byggingariðnaði og hafa verk hennar hlotið athygli langt fyrir utan landsteinanna.

Opið er fyrir ábendingar til Hönnunarverðlauna Íslands 2026. Hægt er að benda á eigin verk eða annarra til miðnættis 3. september.

Á HönnunarMars stóð Hvíta húsið fyrir Hönnunartrúnói á Gilligogg þar sem reynsluboltar úr heimi auglýsinga, hönnunar og samfélags ræddu um samspil auglýsingahönnunar og samfélagsbreytinga, tímamót sem hafa haft veruleg áhrif á lífshætti bæði atvinnulíf og samfélag.

Mikil stemning ríkti í íslenska sendiráðinu í Kaupmannahöfn við opnun sýningarinnar Mitt á milli, þar sem verk eftir Dögg Guðmundsdóttur og kalkmálning frá Dýpi voru fléttuð saman í sýningu sem sótti innblástur til íslenskrar náttúru. Sýningin varpar ljósi á tengsl hönnunar við náttúru, tíma og minningar og endurspeglar aukna áherslu á sjálfbærni, ekki aðeins í efnisnotkun heldur einnig í félagslegu og tilfinningalegu gildi. Gestir hvaðanæva að fjölmenntu og nutu opnunarinnar.

3daysofdesign hefur verið haldin árlega frá 2013 og er orðin stærsta hönnunarhátíð á Norðurlöndum. Hátíðin teygir anga sína víða um Kaupmannahöfn, þar sem fjölbreytileg hönnun er sýnd í sýningarsölum, verslunum, galleríum, sendiráðum og almenningsrými.

Sýningin Samfélag í bleyti hefur verið valin sem framlag Íslands á 20. alþjóðlega Feneyjatvíæringinn í arkitektúr sem fer fram árið 2027. Miðstöð hönnunar og arkitektúrs hefur umsjón með íslenska skálanum fyrir hönd menningar-, nýsköpunar- og háskólaráðuneytisins. Samfélag í bleyti veltir upp spurningum um samfélagslegt hlutverk arkitektúrs og setur íslenska baðmenningu fram sem einstakan vettvang jafnræðis og mótvægi við aukinn einmanaleika og sundrung samtímans.