HA / Fréttir

Hanna Dís Whitehead vöruhönnuður tók þátt á nýafstaðinni hönnunarviku í Vín í Austurríki á sýningu þar sem þemað var öldrun.

Miðstöð hönnunar og arkitektúrs, í samstarfi við Billboard, stendur fyrir kynningarátaki fyrir íslenskar hönnunarvörur í fimmta skipti 16. - 22. október næstkomandi.

Sigurður Oddsson starfar sem hönnunarstjóri og grafískur hönnuður hjá Aton. Í næstum tvo áratugi hefur hann starfað í hönnunarbransanum bæði í Reykjavík og New York. Næsta víst er að flestir Íslendingar kannist við eitthvað af hans verkum, hvort heldur sem er verðlauna plötukover eða Samfylkingarrósina. Hann er hönnuður í fókus hjá Miðstöð hönnunar og arkitektúrs.

Fjölmenni var á opnunarhófi haustsins hjá Miðstöð hönnunar og arkitektúrsi þar sem farið var yfir dagskrá vetrarins. Stórir viðburðir eins og Hönnunarverðlaunin og HönnunarMars verða á sínum stað í dagatalinu en einnig verður bryddað upp á nýjungum.

Thelma Rut Gunnarsdóttir úrskrifaðist með BA í fatahönnun frá Listaháskóla Íslands árið 2023 og síðan þá hefur verið brjálað að gera, bókstaflega. Hún fór í starfsnám til London, stofnaði töskumerkið Suskin með Karítas Spanó og tók þátt í tískusýningu LHÍ Young Talents of Fashion á síðasta HönnunarMars með eigið merki. Thelma Rut er Hönnuður í fókus sem er fastur liður hjá Miðstöð hönnunar og arkitektúrs, þar sem hönnuðir og arkitektar eru teknir tali.

Íslenska arkitektastofan Basalt tekur þátt í viðburði undir heitinu Designing Wellbeeing Cities í samnorræna skálanum á heimssýningunni í Osaka í Japan 2. október næstkomandi.

Alþjóðlega ráðstefnan DesignTalks fór fram 2. apríl 2025 undir þemanu Uppspretta, líkt og hátíðin HönnunarMars. Miðillinn Dezeen var með beint streymi af ráðstefnunni sem nú er aðgengilegt og hægt að horfa á aftur og aftur!

Íslenska sendiráðið iðaði af lífi á opnun sýningarinnar Íslenska vöruhúsið. Á sýningunni sameinast FÓLK, BAÐ eftir Epal, Fischersund og Flothetta sem eiga það sameiginlegt að vinna með menningararf og sögu Íslendinga. Gestir hvaðanæva fjölmenntu og nutu sýningarinnar.

Fjallað er um nýtt útlit HönnunarMars hjá Brand Identity, víðlesnum og vinsælum miðli sem fjallar um hönnuði, vörumerki og hönnun í víðu samhengi. Snorri Eldjárn, Viktor Weisshappel og Jakob Hermannsson hönnuðir Striks Stúdíó ræða við miðilinn. Útlitið var kynnt á HönnunarMars sl. apríl en Miðstöð hönnunar og arkitektúrs samdi við Strik Stúdíó um hönnun á öllu efni hátíðarinnar til þriggja ára.

Ný stjórn Miðstöðvar hönnunar og arkitektúrs var kjörin á aðalfundi Miðstöðvarinnar í Grósku 3. júní 2025. Katrín Jakobsdóttir fyrrverandi forsætisráðherra og Inga Rut Gylfadóttir landslagsarkitekt taka þar sæti og mynda nýja stjórn ásamt Þórunni Hannesdóttur, formanni Félags vöru- og iðnhönnuða, Gísla Arnarsyni, Félag íslenskra teiknara og Arnari Halldórssyni sköpunarstjóra og einum af eigendum Brandenburg.

Halla Helgadóttir framkvæmdastjóri Miðstöðvar hönnunar og arkitektúrs hélt erindi og tók þátt í samtali á Munchen Creative Business Week í maí þar sem voru gerðar tilraunir til að svara spurningunni: Hvernig við byggjum lífleg og lifandi samfélög?

Íslandi var fagnað á þjóðardegi sínum, þann 29. maí, á heimssýningunni í Osaka þar sem forseti Íslands, Halla Tómasdóttir, var heiðursgestur. Dagskrá dagsins var vel sótt en um 140 þúsund gestir heimsóttu sýninguna þann dag.