Kristjana S. Williams stígur á svið á DesignTalks 2026
Það er mikill heiður að kynna næsta fyrirlesara fyrir DesignTalks í ár. Kristjana S. Williams hefur skapað sér sess á alþjóðlegum vettvangi með einstökum stíl í sjónrænni frásagnarlist. Hún lærði grafíska hönnun og myndskreytingar við Central Saint Martins og vinnur í mjög fjölbreytta miðla, s.s. hand- og laser-skornar klippimyndir, myndlýsingar, teikningar og stafræn hönnunarverk.
5. mars 2026
Hönnunarteymið 1+1+1 bætist í hópinn fyrir DesignTalks
Þá er komið að því að kynna næstu fyrirlesara á DesignTalks í ár! Hönnunarteymið 1+1+1 er tilraunakennt samstarf hönnuða frá þremur norðurlöndum: Hugdetta frá Íslandi, Petra Lilja frá Svíþjóð og Aalto+Aalto frá Finnlandi. Hönnunarteymið hristir upp í hefðbundnu hönnunarferli og meðlimirnir koma sjálfum sér stöðugt á óvart. Bjóðum þau hjartanlega velkomin á DesignTalks.
3. mars 2026
Vel heppnaður hittingur þátttakenda HönnunarMars 2026
Þriðjudaginn 17. febrúar fór fram vel heppnaður hittingur þátttakenda HönnunarMars í Fantasíu, þar sem hönnuðir komu saman til að tengjast, skála og stilla saman strengi fyrir hátíðina framundan.
3. mars 2026
Kallað eftir nýjum röddum í íslensku hönnunarlífi fyrir FLEY samsýningu Félags vöru- og iðnhönnuða
FLEY er samsýning Félags vöru- og iðnhönnuða sem er ætluð nýútskrifuðum og upprennandi hönnuðum. Markmiðið er að skapa vettvang þar sem þessi hópur fær tækifæri til að kynna verk sín, tengjast faginu og stíga sýnilegt skref inn í hönnunarsamfélagið. Hugmyndin kviknaði fyrir tveimur árum upp úr samtali innan félagsins um hvernig mætti styðja betur við þau sem eru að hefja feril sinn og skapa þeim raunveruleg tækifæri til sýnileika.
28. febrúar 2026
Stórstjarnan Dorte Mandrup á DesignTalks
Einn þekktasti og áhrifamesti norræni arkitekt síðustu ára stígur á svið þegar Dorte Mandrup verður meðal fyrirlesara á DesignTalks 6. maí. Hún er þekkt fyrir verk sem sameina djúpa hugmyndafræði, sterka fagurfræðilega sýn og næmt samtal við náttúru og samhengi. Dorte var nýlega útnefnd heiðursfélagi í Bandalagi bandarískra arkitekta.
26. febrúar 2026
Gunnþórunn Jónsdóttir ráðin kynningarstjóri Miðstöðvar hönnunar og arkitektúrs
Gunnþórunn Jónsdóttir hefur verið ráðin kynningarstjóri Miðstöðvar hönnunar og arkitektúrs og hóf hún störf 12. janúar sl. Í starfinu mun hún halda utan um, móta og bera ábyrgð á öllum kynningarmálum Miðstöðvarinnar, þar á meðal HönnunarMars, einnar stærstu hönnunarhátíðar landsins. Velkomin til starfa!
4. febrúar 2026
HönnunarMars mest sótta hátíðin
HönnunarMars er mest sótta hátíðin samkvæmt nýrri könnun Prósents en spurt var hvaða menningarhátíð fólk hefur sótt síðustu þrjú ár. Tíu prósent sóttu HönnunarMars, átta prósent sóttu Listahátíð í Reykjavík, sex prósent Iceland Airwaves og fimm prósent kvikmyndahátíðina RIFF.
14. janúar 2026
Norræna húsið heimili tísku á HönnunarMars 2026! Ert þú með hugmynd?
HönnunarMars fer fram 6. - 10. maí 2026 en undirbúningur hátíðarinnar er í fullum gangi. Norræna húsið í Vatnsmýri, hönnunarperla eftir finnska arkitektinn Alvar Aalto, verður heimili/ miðstöð tísku á hátíðinni.
2. desember 2025
Hjalti Karlsson og Stefan Sagmeister á DesignTalks 2026
Grafíski hönnuðurinn Hjalti Karlsson og Stefan Sagmeister, einn allra áhrifamesti hönnuður samtímans stíga á svið í Hörpu þann 6. maí og tala um ferilinn, sögurnar að baki verkum sínum og persónulegu tengingarnar. Hjalti og Sagmeister eru fyrstu hönnuðirnir sem eru kynntir til leiks á næsta DesignTalks.
3. nóvember 2025
Vertu með á HönnunarMars 2026!
Hátíðin er ykkar staður, ykkar stund. Tækifæri til að líta upp úr amstrinu og láta villtustu hugmyndirnar verða að veruleika. Hvað liggur þér á hjarta?
27. október 2025
Þema HönnunarMars og DesignTalks 2026
Þema HönnunarMars og DesignTalks 2026 eru tengingar. Í heimi sem bæði er ofurtengdur og aftengdur er spennandi að beina sjónum að þessari knýjandi þörf manneskjunnar fyrir tengsl, að þráðunum sem tengja allt saman og töfrunum sem liggja í tengingunum sjálfum.
1. október 2025
Skýrslur Miðstöðvar hönnunar og arkitektúrs og HönnunarMars aðgengilegar
Skýrsla Miðstöðvar hönnunar og arkitektúrs fyrir starfsárið 2024-2025 er komin út og aðgengileg á netinu. Fjallað er um helstu verkefni Miðstöðvarinnar, HönnunarMars, Hönnunarsjóð, Hönnunarverðlaunin, Feneyjatvíæringinn í arkitektúr, alþjóðleg verkefni og ýmislegt fleira.
3. júlí 2025
Horfðu á streymi Dezeen frá síðasta DesignTalks
Alþjóðlega ráðstefnan DesignTalks fór fram 2. apríl 2025 undir þemanu Uppspretta, líkt og hátíðin HönnunarMars. Miðillinn Dezeen var með beint streymi af ráðstefnunni sem nú er aðgengilegt og hægt að horfa á aftur og aftur!
2. júlí 2025
Nýtt útlit HönnunarMars í Brand Identity
Fjallað er um nýtt útlit HönnunarMars hjá Brand Identity, víðlesnum og vinsælum miðli sem fjallar um hönnuði, vörumerki og hönnun í víðu samhengi. Snorri Eldjárn, Viktor Weisshappel og Jakob Hermannsson hönnuðir Striks Stúdíó ræða við miðilinn. Útlitið var kynnt á HönnunarMars sl. apríl en Miðstöð hönnunar og arkitektúrs samdi við Strik Stúdíó um hönnun á öllu efni hátíðarinnar til þriggja ára.
24. júní 2025
Metnaðarfull markmið og stórir sigrar
Við lifum á víðsjárverðum tímum og búum í heimi sem bráðvantar áherslu á samfélag, listir, sköpun, frjálsa hugsun, samveru, mannúð, samskipti fegurð og nýsköpun á forsendum góðs mannlífs, umhverfis, sjálfbærni og gæða. Hlaupum þangað, því þar finnum við stóra sigra. Halla Helgadóttir, framkvæmdstjóri Miðstöðvar hönnunar og arkitektúrs, skrifar.
23. apríl 2025
HönnunarMars 2025 - sýningar sem standa lengur
Frábærum HönnunarMars er nú lokið, þeim 17. í röðinni. Á annað hundrað sýningar og viðburðir fóru fram um alla borg og Reykjavík hreinlega iðaði af lífi og sköpunarkrafti! Við erum afar stolt af framúrskarandi hönnuðum sem gera okkur kleift að halda hátíðina með hugviti og sköpunargleði.
Nokkrar sýningar standa lengur, að neðan er listi yfir þær!
8. apríl 2025
Ráðherra heiðrar Eyjólf Pálsson á merkum tímamótum
Hanna Katrín Friðriksson atvinnuvegaráðherra heiðraði Eyjólf Pálsson stofnanda Epal fyrir hálfrar aldar starf í þágu íslenskrar hönnunar í Landsbankanum í dag á fundinum Fjárfestum í hönnun, sem er hluti af HönnunarMars sem stendur yfir fram á sunnudag. Eyjólfur lýsti starfi sínu sem stjórnanda sinfóníu, sá sem stýrir og stillir saman og velur verkin sem flytja skal!
4. apríl 2025
Tákn um kynhlutlaus rými gert opinbert á HönnunarMars
Hugi Þeyr Gunnarsson, grafískur hönnuður, vann sigur úr býtum í samkeppni um tákn um kynhlutlaust rými en verðlaunin voru veitt í gær á sýningunni Tákn fyrir kynhlutlaus rými sem nú stendur yfir á HönnunarMars.
4. apríl 2025
Gleðilegan HönnunarMars! Á annað hundrað viðburða í boði
HönnunarMars, árleg hátíð hönnunar og arkitektúrs, hófst í gær með DesignTalks í Hörpu en tugir sýninga opna í dag. Hátíðin er nú haldin í 17. sinn og einsog venjulega springur dagskráin út í sköpunargleði og takmarkalausri list og hönnun á stór-Reykjavíkursvæðinu þó flestir viðburðir séu í miðborginni.
3. apríl 2025
HönnunarMars er handan við hornið!
Vorboðinn ljúfi, skemmtilegasta hátíð ársins og uppskera íslenskrar hönnunar er framundan en HönnunarMars fer fram dagana 2. – 5. apríl nk. Íslensk hönnun í sinni fjölbreyttustu mynd á sviðið venju samkvæmt en viðburðir og sýningar eru á annað hundrað þetta árið og þátttakendur enn fleiri. Arkitektúr, skargripir, tíska, vöruhönnun, upplifanir og fjölmargt fleira verður á boðstólum víða um stórhöfuðborgarsvæðið þó langstærstur hluti dagskrár sé í miðborg Reykjavíkur.
21. mars 2025