Horfðu á streymi Dezeen frá síðasta DesignTalks
Alþjóðlega ráðstefnan DesignTalks fór fram 2. apríl 2025 undir þemanu Uppspretta, líkt og hátíðin HönnunarMars. Miðillinn Dezeen var með beint streymi af ráðstefnunni sem nú er aðgengilegt og hægt að horfa á aftur og aftur!
„Við leituðum í uppsprettuna fyrir innblástur og endurskoðun en hún bæði upphaf og uppruni. Kyrrstætt ástand - og kvikt í senn,“ segir Hlín Helga, stjórnandi DesignTalks, um þema ársins.
Fjölbreytt úrval hönnuða, arkitekta og skapandi leiðtoga steig á svið á ráðstefnunni og fjallaði um þemað frá mismunandi sjónarhornum.
DesignTalks fer fram næst 6. maí 2026 – takið daginn frá!
Fyrsti hluti
Í fyrsta hluta var fjallað um vannýtt náttúruleg efni í byggingarlist og hönnun, hvernig hægt er að nota jarðveg og hvernig hönnuðir sækja innblástur í sinn menningarlega bakgrunn.
Meðal fyrirlesara voru líbanski arkitektinn Lina Ghotmeh, mexíkóski hönnuðurinn Fernando Laposse, þýski hönnuðurinn Johanna Seelemann og íslenski hönnuðurinn Bergþóra Guðnadóttir og tónlistarmaðurinn Jóel Pálsson – stofnendur Farmers Market.
Annar hluti
Í öðrum hluta var fjallað um hvernig arkitektar gætu notað hraun sem byggingarefni. Meðal þátttakenda voru Arnhildur Pálmadóttir frá s.ap arkitektum og ítalski heimspekingurinn Emanuele Coccia.
Þriðji hluti
Í þriðja og síðasta hluta var sköpun í tískuiðnaðinum skoðuð með fjölmörgum dæmum frá stöndugum og áhrifamiklum tískuhúsum og vörumerkjum. Ítalinn Ferdinando Verderi, listrænn stjórnandi steig á svið.
Ingibjörg og Lilja Birgisdætur stofnendur Fischersund Art Collective voru einnig með kynningu sem var upplifun fyrir mörg skynfæri; sambland af ilmum, tónlist og myndlist.
