FÍT verðlaunin 2026 – Verðlaunahafar

Falleg þróun á ásýnd sem hefur verið í mótun hjá Sinfóníunni og þetta er sérstaklega skemmtileg viðbót. Dans í letrinu er áberandi, bæði á kyrrum fleti og í hreyfingu sem vinnur markvisst með tónlistinni. Útlitið er vel útfært og virkar þvert á miðla, jafnt á prenti sem skjá. Letrið er mjög gott.

Einstaklega vel leyst, bæði í svarthvítu og lit og heldur styrk sínum í ólíkum birtingarmyndum. Myndmálið er skýrt og talar sannfærandi inn í sögulegt samhengi. Framúrskarandi lausn, hönnuð inn í þröngan ramma en útfærslan heppnast afar vel.

Merkið byggir á einföldum elementum sem skapa skýra og sterka heild. Úr verður skemmtilegt kerfi sem gefur svigrúm til leiks og er unnið markvisst með í ólíkum miðlum.

Verkefni á mögnuðum skala sem skapar umlykjandi upplifun. Útfærslan er fagmannleg, markviss og áferðarfalleg. Leikið er með spennuna milli hins stafræna og lífræna á eftirtektarverðan hátt.

Áhugavert samspil milli tví- og þrívíðra miðla sem gefur verkinu aukna dýpt. Úr verður mjög fallegur og heillandi sjónheimur.

Samspil hreyfinga og hljóðheims er afar vel heppnað og myndar áhrifaríka heild sem á sérstaklega vel við Sinfóníuhljómsveitina. Hreyfingar leturs og blóma falla eðlilega að viðfangsefninu. Letrið minnir á nótur á blaði og styrkir tengslin við tónlistina. Heildin er leikandi, björt og litrík með dýnamísku yfirbragði og fumlausu flæði.

Hljóðhönnunin spilar afar vel við mjúkar hreyfingar. Lifandi og grípandi með fumlausu flæði og góðu tempói. Heilsteypt hönnunarkerfi sem virkar fyrir fjölbreytt efni. Vekur forvitni og fær mann til að vilja sjá meira.

Fjölhæft og sérhannað en býr jafnframt yfir nægum blæbrigðum til að nýtast í ólíkum aðstæðum. Hugmyndinni er komið skýrt og sannfærandi til skila. Kinkar um leið kolli til ólíkra skeiða í hönnunarsögunni og setur þau í samtal við samtímann.

Afar metnaðarfullt verkefni. Leturgerðin er fjölbreytt og blæbrigðarík, gegnir lykilhlutverki í heildarmörkuninni og mótar ásýnd hennar á afgerandi hátt.

Ásýndin endurspeglar vel myndheim Steinu en er um leið ný og leyfir verkunum að njóta sín. Grafíkin flæðir um safnið og myndar fjölbreytta heild, þar sem prentað og stafrænt efni talar vel saman. Heildin skapar nýjan myndheim sem undirbýr áhorfandann vel og dregur hann inn. Leturnotkun er framúrskarandi og framúrstefnuleg og upplýsingar á tveimur tungumálum eru bæði skýrar og skemmtilega leystar.

Hér er vísað á skýran og markvissan hátt í element úr verkinu sjálfu. Letrið á vel við og fellur eðlilega að efninu. Í heild er verkið afar vel heppnað og augljóst að vandað hefur verið til verka í hvívetna.

Sterk heildarásýnd sem byggir á fáum en markvissum elementum. Sker sig skýrt frá öðrum bakaríum af svipaðri gerð. Fersk og nútímaleg framsetning. Útfærslan er vönduð á öllum flötum, án þess að skyggja á bakaríið sjálft eða vörurnar. Vísanir eru notaðar á snjallan hátt. Kraftmikið, sérstaklega í ljósi þess hve elementin eru fá. Vel nýtt í ólíkum miðlum.

Skýr og vel heppnuð vísun í praktískan iðnaðarheim sem gefur ásýndinni sterkan karakter. Útfærslan er vönduð í öllum miðlum og allir fletir tala saman, allt frá merkingum á bílum til veggspjalda. Mikil natni er lögð í smáatriði sem auðvelt hefði verið að sleppa en styrkja heildina verulega. Lausnin er bæði praktísk, full af gleði og talar beint til markhópsins.

Falleg og lifandi ásýnd þar sem skemmtilegur leikur á sér stað milli flæðandi vatns yfir í harðan málm. Letrið er sterkt einkenni og mótar svip verksins, en yfirbragðið er jafnframt mjúkt. Heildarbragurinn er góður og vel leyst.

Túlkar vel hljóm tónlistar og sýnir hvernig hvert smáatriði í hljómsveit skiptir máli. Lítil smáatriði fléttast saman og mynda fallega og samstæða heild. Þótt byggt sé á klassísku mótífi er úrvinnslan fersk og frumleg. Unnið af vandvirkni og augljós gæði í myndrænni framsetningu.

Verkið virkar afar vel sem heild. Útfærslan er skýr og heildstæð. Samræmið í vinnslunni er augljóst og mótífin eru hæfilega abstrakt, þannig að þau þjóna tilgangi sínum. Traustvekjandi, hlýlegt og fallegt jafnvægi milli þess að vera grafískt og lífrænt.

Umsögn

Ferskur blær og mikið öryggi í stílnum. Allt er unnið af fagmennsku og í myndunum er sjarmerandi frásagnargleði sem dregur áhorfandann inn í heim verksins. Líf og hreyfing í hverju smáatriði og klippimyndirnar eru afar vel heppnuð viðbót sem smellpassar inn. Mismunandi pappír og áferð styrkja myndmálið og heildarsvipinn.

Gjörningur og ljóðverk sem leitast við að vera í beinu samtali við lesendur. Nálgunin á útgáfu er óhefðbundin og fer langt út fyrir form hefðbundinnar bókar. Verkið á sér stað hér og nú og tengist hversdagleikanum á áþreifanlegan hátt. Hvatning til grafískra hönnuða til að miðla efni á fjölbreyttan hátt og stíga inn í hlutverk höfundar.

Einfalt en um leið afar sterkt. Vísað er í söguna á kraftmikinn og vel heppnaðan máta og notkun á þrívíddarmódeli af gamalli styttu gefur verkinu marglaga sögn. Útkoman er í senn berskjölduð og kraftmikil.

Myndbyggingin kallast skýrt á við tónlistina. Hugað er að hverju smáatriði, bæði í vali á blómum og í því hvernig þau raðast saman og speglast. Litirnir eru fallegir, dýptin mikil og heildin ber með sér fágun.

Sannfærandi og algjörlega á sínum eigin forsendum. Leturmeðferðin er úthugsuð og endurspeglar fagurfræði verksins. Verkið talar inn í ákveðna stefnu og augljóst er að vandað hefur verið til verka. Mikil natni einkennir bæði hönnun letursins og umbúðanna í heild.

Skipulagt og áhugavert kaos. Útlitið sprengir rammann á skemmtilegan máta og endurspeglar skýrt það sem stofan stendur fyrir. Lífleg vefsíða sem kraumar af leikgleði og kveikir forvitni með gagnvirkum og óvæntum smáatriðum sem gleðja notandann. Grípandi og heildrænt útlit.

Framúrskarandi letur og myndmál sem nýtist vel í ólíkum miðlum. Letrið er kraftmikið og hreyfanlegt, afar einkennandi og á vel viði. Sterkt, bæði með og án myndskreytinga.

Verkið veltir upp áleitnum siðferðilegum spurningum um gervigreind og höfundarrétt og setur þær í skýrt samhengi. Á brýnt erindi við samtímann og nánustu framtíð þar sem gervigreindartól verða sífellt aðgengilegri. Viðmót og framsetning afar aðgengileg.

Verkefninu er miðlað á skýran og markvissan hátt. Framsetningin er fókus­eruð og efnistök vönduð. Áhugaverð innsýn í vanda sem íslenskir hönnuðir hafa glímt við frá upphafi og nálgunin setur hann í skýrt samhengi.

Hér er sótt í náttúruna á metnaðarfullan, áhugaverðan og yfirgripsmikinn hátt. Sköpunar- og leikgleði skína í gegn og hönnuðurinn leikur sér að efninu. Inntak, efnistök og útfærsla eru samofin í sterka heild.