Verðmætasköpun og úthlutun Hönnunarsjóðs – tölum um hönnun og arkitektúr

Miðvikudaginn 18. mars kl. 9:00 beinum við sjónum að verðmætasköpun og útflutningi sem byggir á hönnun og/eða arkitektúr eða þar sem hönnun og arkitektúr eru grundvallandi breytur í nýsköpun og viðskiptalegum árangri fyrirtækis.

Fyrirlesturinn er haldinn á sama tíma og fyrsta úthlutun Hönnunarsjóðs í ár, en mörg verkefni og tækifæri skapast í kring um sjóðinn.

Hlutverk Hönnunarsjóðs er að efla þekkingu og atvinnu- og verðmætasköpun á sviði hönnunar og arkitektúrs með fjárhagslegum stuðningi og ráðgjöf. Einnig að styrkja kynningar- og markaðsstarf erlendis sem stuðlar að útflutningi á íslenskri hönnun.

Úthlutun Hönnunarsjóðs fer fram strax á eftir fyrirlestrinum en það er Borghildur Sölvey Sturludóttir, formaður stjórnar sem afhendir styrkina.

Stjórnendur úr leiðandi fyrirtækjum sem hafa hönnun og arkitektúr að leiðarljósi í starfsemi sinni til að auka gæði, samkeppnishæfni og verðmætasköpun ásamt sérfræðingum úr nýsköpunarumhverfinu halda erindi og mætast í áhugaverðu samtali.

• Sigurður Þorsteinsson, framkvæmdastjóri brand, markaðsmál og viðskiptaþróun, Bláa lónið
• Fannar Páll Aðalsteinsson, markaðsstjóri, 66°Norður.
• Páll Einarsson, listrænn stjórnandi, Rafnar.
• Agnar Tr. Lemacks, ráðgjafi og eigandi, ATON, hönnuður Good Good.
• Guðrún Inga Ingólfsdóttir, formaður stjórnar Tækniþróunarsjóðs.
• Hrönn Greipsdóttir, forstjóri Nýsköpunarsjóðsins Kríu.

Umræðustjóri er Bergur Finnbogason, listrænn stjórnandi hjá CCP.

Við tökum fagnandi á móti gestum með kaffi og kruðerí en húsið opnar kl. 8:30.

Verið hjartanlega velkomin!