HA / Fréttir

Christian Bason hefur um árabil unnið á mörkum hönnunar, stjórnunar og samfélagsbreytinga. Hann kemur til Íslands og heldur MasterClass á vegum Miðstöðvar hönnunar og arkitektúrs í Grósku 16. september. Í viðtali við Miðstöð hönnunar og arkitektúrs ræðir hann meðal annars námskeiðið þar sem hann býður stjórnendum og fagfólki í skapandi greinum, arkitektum, hönnuðum og öðrum sem eru að vinna í umhverfi sem er að breytast mjög hratt, upp á áhugaverða aðferðafræði sem er byggð á bókinni hans Expand.

Miðvikudaginn 21. október býður BYKO félagsmönnum* Arkitektafélags Íslands í vettvangsferð í Fjallaböðin í Þjórsárdal.

Á fyrsta fyrirlestri vetrarins hjá Miðstöð hönnunar og arkitektúrs beinum við sjónum að breytingum og framtíðinni. Hvaða breytingar eru í vændum og hvernig getum við undirbúið okkur sem best fyrir það sem tekur við?

Tveir tengdir viðburðir á sviði arkitektúrs og byggingarsögu verða í Ásmundarsal í september – sýning á skólaverkefnum Sigvalda Thordarson arkitekts og útgáfuboð tveggja nýrra bóka.

Við megum svo sannarlega gleðjast þegar nýjar byggingar eru teknar í notkun, almenningsrými verða til eða ný hönnun lítur dagsins ljós og segja frá því. Sem betur fer eigum við framúrskarandi arkitekta og hönnuði hér á landi og því er mjög oft tilefni til að fagna nýju hugviti og sköpun.

Ertu að undirbúa umsókn í Hönnunarsjóð? Miðstöð hönnunar og arkitektúrs býður umsækjendum á opinn kynningarfund þar sem farið verður yfir helstu atriði sem gott er að hafa í huga við gerð umsóknar. Fundurinn fer fram í fjarfundi þriðjudaginn 8. september kl. 12:00–12:45 og er opinn öllum sem hyggjast sækja um styrk úr Hönnunarsjóði.

Miðstöð hönnunar og arkitektúrs kynnir nú til leiks nýjung sem ætti að auðvelda hönnuðum, arkitektum og öðrum áhugasömum að halda utan um það sem framundan er. Nú getur þú gerst áskrifandi að viðburðadagatali Miðstöðvar hönnunar og arkitektúrs og fengið mikilvægar dagsetningar beint inn í dagatalið í símanum eða tölvunni.

Samsýningin Vasar opnar í HAKK Gallery fimmtudaginn 20. ágúst kl. 17. Á sýningunni takast íslenskir og erlendir hönnuðir og listamenn á við vasann sem viðfangsefni, með frjálsri nálgun að efni, aðferð og notagildi. Sýningin er sú þriðja í röð fyrirmælasýninga HAKK Gallery, þar sem ólíkum hópi hönnuða, handverksfólks og listamanna er boðið að túlka sameiginlegt viðfangsefni.

Hönnunarsamstarf Siggi Odds Office og íslensku letursmiðjunnar Or Type hlaut á dögunum Graphite Pencil á D&AD verðlaununum í London fyrir hönnun á auðkenni Njarðar. Verðlaunin hlutu þau í flokknum Type Design & Lettering og er þetta í fyrsta sinn sem íslenskt verkefni hlýtur D&AD verðlaun án samstarfs við erlenda hönnunarstofu.

Stúdíó 17 – hönnunarstofa býður til leigu skrifborð í opnu rými og skrifstofum með glæsilegu útsýni á 2. hæð í endurgerðu skrifstofuhúsnæði að Stórhöfða 17 við Gullinbrú í Reykjavík – frábært útsýni til Esjunnar yfir Grafarvog og Grafarholt.

On behalf of the Ólafur Ragnar Grímsson Foundation and Arctic Circle, we are pleased to announce a proposed design competition for a new international headquarters dedicated to addressing some of the world’s most pressing challenges, with a particular focus on the Arctic. The competition is being organised in collaboration with the Association of Icelandic Architects (AÍ).

Skrifstofa Miðstöðvar hönnunar og arkitektúrs er komin á fullt skrið á ný eftir sumarfrí og undirbúningur fyrir það sem koma skal er hafinn af krafti. Haustið verður viðburðaríkt að vanda og á næstu mánuðum bíða fjölmörg spennandi verkefni, viðburðir og tækifæri fyrir íslenskt hönnunar- og arkitektúrsamfélag. Við leitum einnig til ykkar með skemmtilegt efni.