Tilnefningar til FÍT verðlaunanna 2026

67 verk eru tilnefnd til FÍT verðlaunanna árið 2026. Við bjóðum ykkur velkomin á verðlaunaafhendinguna sem haldin verður í Grósku, föstudaginn 27. febrúar kl. 19.

Hlutverk FÍT verðlaunanna er að verðlauna þau verk sem skara fram úr á Íslandi í grafískri hönnun og myndlýsingum. Í ár bárust 357 innsendingar í 15 flokkum. Í ár var bætt við sérstökum flokki fyrir leturhönnun vegna mikils fjölda innsendinga af því tagi.

Dómnefndir meta innsendingar út frá faglegum forsendum og tilnefningar eru aðeins veittar ef verk þykir vera framúrskarandi á sínu sviði. Sömuleiðis er á valdi dómnefnda að ákveða hvort veittar séu viðurkenningar og hversu mörg verk hljóti tilnefningu í hverjum flokki.

Verðlaun í flokki tónlistargrafíkur verða veitt á Íslensku tónlistarverðlaununum sem fram fara í Hörpu og í beinni útsendingu á RÚV miðvikudagskvöldið 18. mars.

Stjórn FÍT þakkar öllum hönnuðum, myndhöfundum og verkkaupum sem sendu inn hjartanlega fyrir þátttökuna. Einnig þökkum við dómnefndnum innilega fyrir þeirra störf.