Opið fyrir innsendingar í FÍT verðlaunin 2026

Búið er að opna fyrir innsendingar í verðlaunin og er hægt að senda inn til miðnættis föstudaginn 6. febrúar.

Félagar í FÍT fá 50% afslátt af innsendingargjaldi. Mikilvægt er að gengið sé frá greiðslu félagsgjalda áður en sent er inn til þess að afslátturinn sé virkur. Þau fyrirtæki sem greiða félagsgjöld fyrir sitt starfsfólk geta sent á almennt@teiknarar.is til að fá senda kröfu.

Við tökum við öllum fyrirspurnum um félagsgjöld og skráningu í FÍT á almennt@teiknarar.is.

Nemendur senda inn frítt í nemendaflokk.

Við vekjum athygli á því að ekki er lengur tekið við innsendingum í bókahönnun og bókakápur því að þeir flokkar flytjast yfir í Íslensku bókahönnunarverðlaunin.

Sýnishornum af verkum skal skila í Miðstöð hönnunar og arkitektúrs í Grósku fyrir 10. febrúar.

Búið er að opna fyrir tilnefningar til dómnefndastarfa í FÍT verðlaununum 2026. Mikilvægt er að viðkomandi sé sérfræðingur á sviði grafískrar hönnunar eða myndlýsinga og þekki vel til í flokknum sem við á.

Tilnefna má fleiri en einn einstakling, en æskilegt er að allir dómarar séu félagar í FÍT.