Félagatal

Félagsaðild

Til að gerast félagi í Fatahönnunarfélagi Íslands þarf umsækjandi að hafa lokið fatahönnunarnámi á háskólastigi, þ.e. þriggja ára BA nám frá háskóla.  Ef umsækjandi hefur ekki lokið háskólanámi þarf hann að sýna fram á aðra reynslu innan fagsins og mun fagráð Fatahönnunarfélagsins meta umsóknina. Hér fyrir neðan má sjá dæmi um reynslu sem Fagráðið leggur til grundvallar mats á umsókn.

Árgjald er 18.000 kr. Greiðslu árgjalds er skipt í tvær greiðslur (9000 kr hvor) sem eru með gjalddaga í september og maí ár hvert. Til að teljast fullgildur félagi þurfa árgjöld að vera í skilum.

Nemendur í BA námi í fatahönnun geta nú einnig sótt um félagsaðild og greiða ekki árgjald fyrr en eftir útskrift. 

Til að sækja um í Fatahönnunarfélagi Íslands fyllir þú út umsóknarform á síðu Hönnunarmiðstöðvar hér.

Það sem fagráð Fatahönnunarfélags Íslands leggur til grundvallar þegar umsóknir eru metnar er að umsækjendur uppfylli eitt af af eftirfarandi:

• BA gráða í fatahönnun.
• Eins árs diploma í fatahönnun ásamt þriggja ára starfsreynslu sem hönnuður hjá fatahönnunar fyrirtæki sem markaðssetur fatnað með reglubundnum hætti.
• Tveggja ára diploma í fatahönnun ásamt tveggja ára starfsreynslu sem hönnuður hjá fatahönnunar fyrirtæki sem markaðssetur fatnað með reglubundnum hætti.
• Þriggja ára diploma í fatahönnun ásamt eins árs starfsreynslu sem hönnuður hjá fatahönnunar fyrirtæki sem markaðssetur fatnað með reglubundnum hætti.
• Fjögurra ára diploma í fatahönnun.
• Starfsreynsla að lágmarki fimm ár sem hönnuður hjá fatahönnunar fyrirtæki sem  markaðssetur fatnað með reglubundnum hætti.
• BA gráða í öðrum hönnunargreinum ásamt eins árs starfsreynslu í fatahönnunarfyrirtæki sem markaðssetur fatnað með reglubundnum hætti.
• Sjálfstæður rekstur fatahönnunarfyrirtækis í 5 ár þar sem viðkomandi hefur sýnt fram á virka þátttöku í fagsamfélaginu með sýningarhaldi og/eða hlotið viðurkenningar fyrir verk sín.