Akranes auglýsir lausa stöðu skipulagsfulltrúa

Akraneskaupstaður auglýsir nýja stöðu skipulagsfulltrúa. Skipulagsfulltrúi fer með umsjón skipulagsmála í bænum, en hlutverk hans er m.a. að veita íbúum, kjörnum fulltrúum, ráðgjöfum, hönnuðum, byggingarverktökum og öðrum þeim sem á þurfa að halda, góða þjónustu, ráðgjöf og upplýsingar um skipulagsmál.

Skipulagsfulltrúi tilheyrir skipulags- og umhverfissviði og heyrir undir sviðsstjóra þess sviðs. Hann skal tryggja að starfsemi tengd skipulagsmálum sé í samræmi við lög og reglugerðir, gildandi fjárhagsáætlun, sett markmið og ákvarðanir Akraneskaupstaðar.

Helstu verkefni og ábyrgð:

• Umsjón skipulagsmála í bæjarfélaginu
• Gerð skipulagsgagna þar sem því verður viðkomið
• Útgáfa framkvæmdarleyfa og gerð umsagna um skipulags- og byggingaerindi
• Umsjón með kynningu aðal- og deiliskipulags
• Auglýsir skipulagslýsingar og skipulagsbreytingar lögum samkvæmt
• Innleiðing og umsjón með rafrænum lausnum í kynningu aðal- og deiliskipulags eða í skipulagsmálum
• Umsjón og þróun kortasjár bæjarins í samvinnu við byggingarfulltrúa
• Undirbúningur erinda fyrir skipulags- og umhverfisráð
• Lögformleg afgreiðsla erinda og eftirfylgni mála
• Upplýsingagjöf og samskipti við íbúa, kjörna fulltrúa og aðra hagsmunaaðila
• Aðkoma að gerð fjárhagsáætlunar skipulags- og umhverfissviðs í samvinnu við sviðsstjóra
• Önnur sértæk verkefni fyrir Akraneskaupstað

Menntunar- og hæfniskröfur:

• Háskólamenntun sem nýtist í starfi, svo sem arkitekt, landslagsarkitekt, tæknimenntun eða skipulagsfræðingur
• Umsækjandi skal uppfylla menntunar- og hæfniskröfur samkvæmt 7. grein skipulagslaga nr. 123/2010 og 2.5. kafla skipulagsreglugerðar nr. 90/2013
• Reynsla af gerð skipulagsuppdrátta
• Reynsla af starfi tengdu skipulagsmálum
• Reynsla af verkefnastjórnun er kostur
• Frumkvæði í starfi, skipulagshæfileikar og sjálfstæð vinnubrögð
• Góð hæfni í mannlegum samskiptum og rík þjónustulund
• Nákvæmni og hæfni í framsetningu efnis
• Góð almenn tölvukunnátta, ásamt kunnáttu í teikniforritum
• Framhaldsmenntun sem nýtist í starfi æskileg
• Þekking á opinberri stjórnsýslu æskileg

Athugið að umsóknarfrestur hefur verið framlengdur til 6. desember.

Umsóknir óskast fylltar út á hagvangur.is. Nánari upplýsingar um störfin veita Geirlaug Jóhannsdóttir, geirlaug@hagvangur.is og Stefanía Hildur Ásmundsdóttir, stefania@hagvangur.is.