Niðurstöður hugmyndasamkeppni um þverun Reykjanesbrautar ásamt byggð yfir og við Reykjanesbraut, auk tenginga við vistvæna ferðamáta í svæðiskjarna í Smára voru kynntar í Kópavogi í dag. Fyrstu verðlaun hlutu Ask arkitektar fyrir tillögu sína.

Bæjarstjórn Kópavogs átti frumkvæði að samkeppninni sem samþykkt var einróma á bæjarstjórnarfundi 11. maí 2021. Samkeppnin var unnin í samvinnu Kópavogsbæjar og Arkitektafélags Íslands og var markmiðið með henni að styrkja svæðiskjarnann í Smára og efla tengsl á milli svæða innan kjarnans fyrir alla ferðamáta. 

Eftirtalin atriði vógu þungt við mat dómnefndar á samkeppnistillögum:

– tengsl milli svæða innan svæðiskjarnans fyrir alla ferðamáta

– tillaga sýni möguleika á þéttingu byggðar á og við lok/stokk(a)

 – staðsetning tengistöðvar fyrir almenningssamgöngur

Í umsögn dómnefndar um tillögu Ask arkitekta segir m.a.:

"Höfundum tekst með tillögunni að sýna fram á að samkeppnissvæðið geti orðið að öflugri samhangandi ein ingu með miklum uppbyggingarmöguleikum. Tillagan endur­ómar að miklu leyti áherslur dómnefndar. Hér er lögð fram hugrökk leið að því marki að skapa nýtt, mannvænt og spennandi miðbæjarumhverfi fyrir Kópavog. Inngrip í Reykjanesbraut eru mikil og munu gerbreyta öllu yfirbragði svæðisins. Stokkalausn kallar á samtal um aðkomu ríkisins og er tillagan gott veganesti í þá vegferð."

Reykjanbr-svæðiskj_DOMNEFNDARALIT_á-vef_mars2022.pdf

Hér má nálgast dómnefndarálit samkeppninnar

Hrafnkell Ásólfur Proppé, skipulagsfræðingur, formaður dómnefndar, fulltrúi Kópavogsbæjar.

Bergljót Kristinsdóttir, bæjarfulltrúi, fulltrúi Kópavogsbæjar.

Hjördís Ýr Johnson, bæjarfulltrúi, fulltrúi Kópavogsbæjar.

Birkir Einarsson, landslagsarkitekt FÍLA.

Tillögurnar verðar sýndar í Smáralind frá 5.-19. apríl en eru þangað til sýndar í Bókasafni Kópavogs á miðhæðinni.

Rýnifundur verður haldinn í Smáralind miðvikudag 6. apríl kl. 16:30 Í göngugötunni á neðri hæð.

Ask arkitektar; Þorsteinn Helgason arkitekt FAÍ, Jakob Jakobsson arkitekt FAÍ og aðstoð veittu Anna Margrét Sigmundsdóttir og Páll Gunnlaugsson arkitektar FAÍ.

EFLA; Arna Kristjánsdóttir, samgönguverkfræðingur Berglind Hallgrímsdóttir, samgönguverkfræðingur Hlynur Hugi Jónsson, landslagsarkitekt Ómar Ingþórsson, landslagsarkitekt Pétur Jónsson, landslagsarkitekt Svana Rún Hermannsdóttir, landslagsarkitekt Silja Traustadóttir, arkitekt Þröstur Þór Bragason, miðlunarfræðingur Guðmundur Sigfinnsson, hagfræðingur

VSÓ ráðgjöf;  Andrea Kristinsdóttir, Orri Gunnarsson, Samúel Torfi Pétursson, Smári Ólafsson

DesignTalks 2022 - Liam Young, sci-fi arkitekt og leikstjóri 

DesignTalks 2022 - Giorgia Lupi, upplýsingahönnuður og partner hjá Pentagram

DesignTalks Reykjavík snýr aftur 2022! 

Ask arkitektar hljóta fyrstu verðlaun í hugmyndasamkeppni um uppbyggingu við Reykjanesbraut

Deila

Tögg