Íslenska hönnunarfyrirtækið 66°Norður hefur opnað nýja verslun á Bryggjugötu 7 á Hafnartorgi. Verslunin er hönnuð af Basalt arkitektum en þar má einnig finna búðarborð eftir Rögnu Ragnarsdóttur og Erm stólana eftir Valdísi Steinarsdóttur og Arnar Inga Viðarsson. 

Innblástur Basalt í hönnun búðarinnar var  sóttur í íslenskt veður, umhverfi og skírskotun í hafið og arfleifð 66°Norður. Lýsingin er skírskotun í veðurkort.

Búðarborðið er með íslenskri flóru eftir hönnuðinn Rögnu Ragnars. Í borðplötunni eru þurrkaðar blómajurtir og hliðarnar steyptar úr svörtum sandi.

Í mátunarklefum búðarinnar má finna Erm stólana eftir hönnuðina Valdísi Steinars og Arnari Inga. Stólarnir, sem voru frumsýndir á HönnunarMars 2022, eru gerðir úr ermum úr úlpum sem ekki er hægt að gera við. 

Víða um búðina má svo finna stóra skúlptúra sem eru hluti af sýningu listakonunnar Öldu Ægisdóttur, Útópíu. Verkin eru innblásin af frumum, bakteríum, plöntum og skordýrum, og dregur fram þá litlu heima sem leynast allt í kringum okkur. 

Viðburðir fyrir umhverfið á HönnunarMars

Iðnaðarhampur sem byggingarefni, fjölnota fatalína, ermi sem stóll og ilmsinfónía meðal styrkþega Hönnunarsjóðs 

Búðarborð eftir Rögnu Ragnars og Erm stólar í nýrri verslun 66°Norður á Hafnartorgi

Deila

Tögg