Laugardaginn, 13. febrúar, opnar sýning í Hönnunarsafni Íslands þar sem þetta frjóa tímabil í leirlistarsögunni er rifjað upp. Á sýningunni eru valin verk frá verkstæðunum: Listvinahúsið, Leirbrennsla Benedikts Guðmundssonar, Funi, Laugarnesleir, Roði og Glit sem öll áttu þau það sameiginlegt að nota íslenskan leir, fram til um 1970.

Brautryðjandinn, Guðmundur Einarsson frá Miðdal, stofnaði Listvinahúsið árið 1927. Listvinahúsið var fyrsta leirmunaverkstæðið, sem starfrækt var á Íslandi og með stofnun þess var brotið blað í sögu listiðnaðar landsins. 

Á árunum 1946 til 1957 voru stofnuð fimm leirmunaverkstæði í Reykjavík: Leirbrennsla Benedikts Guðmundssonar, Funi, Laugarnesleir, Roði og Glit. Öll áttu þau það sameiginlegt að nota íslenskan leir, fram til um 1970.

Á sýningunni eru valin verk frá ofangreindum verkstæðum. 

Sýningarstjórar eru Inga S. Ragnarsdóttir leirlistamaður og Kristín G. Guðnadóttir listfræðingur. Þær eru höfundar bókarinnar Deiglumór, keramik úr íslenskum leir 1930-1970, sem kemur út samtímis sýningunni. Bókin byggir á rannsóknum Ingu á sögu íslenskrar leirlistar. Í henni er fjallað um aðdraganda, upphaf og þróun íslenskrar leirlistar frá um 1930 í máli og myndum, auk þess sem saga leirnýtingar á Íslandi er rakin.

Hér má nálgast frekari upplýsingar um sýninguna 

Leirlistafélagið opnar 40 ára afmælisár með sýningunni Ljósker

Metfjöldi umsókna í fyrstu úthlutun Hönnunarsjóðs 2021

Sértilboð til aðildarfélaga Miðstöðvar hönnunar og arkitektúrs vorið 2021 hjá Endurmenntun HÍ 

Deiglumór, keramik úr íslenskum leir 1930-1979

Deila

Tögg