Miðstöð hönnunar og arkitektúrs óskar eftir að ráða skapandi, framsækinn og kraftmikinn einstakling í starf stjórnanda HönnunarMars. HönnunarMars sameinar, eflir samtal, vekur forvitni, veitir innblástur og er helsta kynningarafl íslenskrar hönnunar innanlands sem og á alþjóðlegum vettvangi. 

Miðstöð hönnunar og arkitektúrs óskar eftir að ráða skapandi, framsækinn og kraftmikinn einstakling í starf stjórnanda HönnunarMars.

HönnunarMarser ein af borgarhátíðum Reykjavíkur og fer næst fram í fimmtánda sinn dagana 3.- 7. maí í Reykjavík auk þess að teygja anga sína um allt höfuðborgarsvæðið. Hátíðin er brú milli ólíkra heima og veitir innsýn inn í breytingar til framtíðar, og suðupunktur fyrir ferskan innblástur og óvæntar nálganir. HönnunarMars sameinar, eflir samtal, vekur forvitni, veitir innblástur og er helsta kynningarafl íslenskrar hönnunar innanlands sem og á alþjóðlegum vettvangi. 

Stjórnandi ber ábyrgð á skipulagningu og framkvæmd HönnunarMars í samstarfi við stjórn HönnunarMars, framkvæmdastjóra Miðstöðvar hönnunar og arkitektúrs. Starfið er yfirgripsmikið og krefst góðrar þekkingar á hönnun og arkitektúr, samskiptahæfni og góðrar yfirsýnar. Stjórnandi hefur umsjón með og tekur þátt í öðrum verkefnum á vegum Miðstöðvar hönnunar og arkitektúrs. Um er að ræða fullt starf og umsækjandi þarf að geta hafið störf sem fyrst.

Þórey Einarsdóttir, sem hefur leitt hátíðina síðustu þrjú ár, heldur á vit nýrra ævintýra og mun vera nýjum stjórnanda innan handar fyrst um sinn. 

Stýra, efla og halda utan um verkefnið HönnunarMars

Ráðning og umsjón með verkefnastjórum og starfsmönnum hátíðarinnar

Samskipti og ráðgjöf við samstarfsaðila og þátttakendur 

Gerð markaðs- og kynningarefnis í samstarfi við kynningarstjóra

Þátttaka í alþjóðlegum verkefnum og kynningarstarfi  

Frumkvæði, sterk sýn, áræðni og brennandi áhugi á verkefninu

Þekking á hönnun og arkitektúr á Íslandi og erlendis

Reynsla af fjármögnun, gerð og umsjón með fjárhagsáætlunum

Háskólamenntun og/eða reynsla sem nýtist í starfinu

Þekking og reynsla af verkefnastjórnun / viðburðastjórnun

Sjálfstæð vinnubrögð og framúrskarandi skipulagshæfileikar

Góð íslensku- og enskukunnátta, og færni í Norðurlandamáli kostur

Miðstöð hönnunar og arkitektúrs er upplýsinga- og kynningarmiðstöð fyrir íslenska hönnun og arkitektúr á Íslandi og erlendis. Miðstöðin er hreyfiafl sjálfbærrar verðmætasköpunar sem byggir á hönnun og arkitektúr og stuðlar að auknu samstarfi milli hönnuða og fyrirtækja og vinnur að því að efla hönnunardrifna nýsköpun sem mótandi afl í samfélagi og atvinnulífi framtíðar á Íslandi.

Í Miðstöð hönnunar og arkitektúrs starfa 4 starfsmenn auk tímabundinna starfsmanna. Lögð er áhersla á samvinnu, opin samskipti, frumkvæði, sjálfstæð vinnubrögð og gott andrúmsloft. Nánari upplýsingar um starfssemi Miðstöð hönnunar og arkitektúrs má lesa um hér. 

Umsóknarfrestur er til og með 24. október nk. Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu. Umsjón með starfinu hafa Hilmar G. Hjaltason (hilmar@vinnvinn.is) og Hildur J. Ragnarsdóttir (hildur@vinnvinn.is). Umsækjendur eru beðnir að sækja um starfið HÉR.

DesignMarch Reykjavík 2022 Wrap-Up | Icelandair

Hátt í 100 umsóknir bárust um þátttöku á HönnunarMars 2023

Ragnheiður og Nils ný í stjórn HönnunarMars

Ert þú næsti stjórnandi HönnunarMars?

Deila

Tögg