Landsbankinn tekur þátt í HönnunarMars með fjölbreyttum viðburðum

Landsbankinn tekur þátt í HönnunarMars með fjölbreyttum viðburðum, en Landsbankinn er nýr styrktaraðili hátíðarinnar. Boðið verður upp á málþing um fjárfestingu í hönnun og leiðsagnir um ný húsakynni Landsbankans.

Örerindi og pallborðsumræður um fjármagn fimmtudaginn 4. má frá kl. 16:30 - 18:30. Hér sköpum við vettvang til að fjalla um tækifærin sem felast í að fjárfesta í hönnun og mikilvægi þess. Hvers vegna á að fjárfesta í hönnun og hvaða leiðir hafa hönnuðir til að sækja sér fjármagn?

Reynslumiklir einstaklingar úr heimi hönnunar og fjárfestinga deila sinni sýn, svara spurningum og taka þátt í umræðu um þetta mikilvæga viðfangsefni.

Meðal þeirra sem koma fram eru: Anders Färdig, CEO Design House Stockholm, Sigurður Þorsteinsson, Chief Design Officer, Design Group Italia, Ragna Margrét Guðmundsdóttir, Pikkoló, Helga Árnadóttir, CEO, Tulipop og Helga Valfells, Crowberry Capital.

Fundarstjóri er Snorri Másson, fjölmiðlamaður. Umræðurnar fara fram á ensku í nýju húsi Landsbankans við Reykjastræti 6.

Sætaframboð er takmarkað og skráning nauðsynleg. Ýttu hér til að skrá þig.

Landsbankinn býður í heimsókn! Nýtt húsnæði Landsbankans við Reykjastræti 6 er hannað með það í huga að auka samvinnu, stuðla að sjálfbærni og efla mannlíf í miðbænum.

Skipulögð leiðsögn um húsið er leidd af Halldóru Vífilsdóttur, verkefnastjóra framkvæmdarinnar, og Helga Mar Hallgrímssyni, arkitekt nýbyggingarinnar.

Hver ganga tekur um 30 mínútur og er þetta einstakt tækifæri til að skoða nýja og spennandi byggingu í hjarta miðbæjarins. Fullt er á viðburðinn.

Hönnun og hugmyndafræði í nýju húsi Landsbankans.

Nýju húsi Landsbankans við Reykjastræti er ætlað að efla mannlíf og stuðla að aukinni samvinnu. Húsið er mikilvægur hluti af nýju hverfi sem risið hefur við Hörpu í miðborg Reykjavíkur. Fjallað verður um þau metnaðarfullu markmið um nútímalegt vinnuumhverfi, sjálfbærni, birtu, flæði og hlutverk í nærumhverfi sem miðað var við á öllum stigum hönnunar og við byggingu hússins.

Fyrirlesarar eru Halldóra Vífilsdóttir, framkvæmdastjóri Nordic og verkefnastjóri nýbyggingar Landsbankans, Helgi Mar Hallgrímsson, arkitekt hjá Nordic og Jonas Toft Lehman, arkitekt hjá CF Møller.

Að fyrirlestrunum loknum verður gestum boðið í göngu um húsið. Sætaframboð er takmarkað og skráning nauðsynleg.

Laugardaginn 6. maí verða skipulagðar leiðsagnir um húsið leiddar af Halldóru Vífilsdóttur, arkitekt. Fullt er á viðburðinn.