Sveitarfélagið Hornafjörður auglýsir eftir þátttakendum í forval vegna hugmyndaleitar um skipulag og hönnun áfangastaðar/íbúðabyggðar við Leiðarhöfða á Höfn í Hornafirði. Samkeppnin er haldin í samvinnu við Félag íslenskra landslagsarkitekta, FÍLA.

Markmið með samkeppninni er að fá fram hugmyndir um framtíðarskipulag svæðisins og í kjölfarið vinna deiliskipulag sem byggir á vinningstillögu. Tilgangur er að móta umgjörð um uppbyggingu sem bætir aðstöðu og aðgengi til útivistar og eykur útsýnis- og náttúruupplifun svæðisins jafnt íbúum sem gestum til ánægju. 

Leitast er við að fá fram hugmyndir að skipulagi og uppbyggingu svæðisins til lengri tíma. Hönnun útvistarsvæðis, þjónustubyggingar og hóflegrar íbúðabyggðar í samræmi við aðalskipulag. Æskilegt er að öll uppbygging falli vel að umhverfinu og að tillagan sé raunhæf í uppbyggingu. 

Svæðið sem um ræðir er tæplega 1 ha. að stærð og afmarkast af Sandbakkavegi til austurs, Sandbakka 1 og 3 til norðurs og Hornafirðinum til vesturs og suðurs (sjá mynd fyrir ofan).

Forvalsgögn 03.docx

Leiðarhofði- forval.pdf

Nánari upplýsingar má finna hér og hér

Valin verða 5 teymi til þátttöku í samkeppninni og mun hvert þeirra fá greiddar kr. 1.500.000,- fyrir sínar tillögur. Greitt verður aukalega kr. 1.000.000,- fyrir verðlaunatillögu. Sveitarfélagið áskilur sér rétt til þess að nýta lausnir og hugmyndir úr öllum tillögum, hvort sem er að hluta til eða í heild. Sveitarfélagið Hornafjörður stefnir að því að semja við verðlaunahöfunda um gerð deiliskipulags svæðisins. 

Teymi þátttakenda þurfa að uppfylla eftirfarandi skilyrði

Öllum er frjáls þátttaka en leitað er eftir þverfaglegum teymum til þess að skila frjóum hugmyndum.

Í hverju teymi skal  vera a.m.k. einn landslagsarkitekt og einn arkitekt. Teymi skal skilgreina      teymisstjóra/tengilið sem skal vera landslagsarkitekt.

Í hverju teymi skal vera aðili sem hefur leyfi til að gera skipulagsáætlanir skv. 25. gr. skipulagsreglugerðar nr. 90/2013.

Kostur er að teymi séu fjölbreytt er varðar reynslu, aldur og kyn.

Með umsókn skal leggja fram upplýsingar um reynslu af sambærilegum hönnunar- og      skipulagsverkefnum, árangur í hönnunar- og skipulagssamkeppnum ásamt ferilskrám þátttakenda.

Forvalsnefnd skipuð fulltrúum sveitarfélagsins og forvalsfulltrúa FÍLA mun fara yfir allar umsóknir sem berast og velja teymi áfram til þátttöku.

Umsóknarfrestur forvals 5. nóvember 2021.

Niðurstöður forvals kynntar 12. nóvember 2021.

Fyrirspurnarfrestur er til og með 10. desember 2021.

Svör við fyrirspurnum 17. desember 2021.

Dómnefnd lýkur stöfum eigi síðar en í mars 2022.

Fulltrúar Sveitarfélagsins Hornafjarðar:

Bryndís Hólmarsdóttir, bæjarfulltrúi

Björgvin Óskar Sigurjónsson, bæjarfulltrúi

Hermann Ólafsson, landslagsarkitekt FÍLA

Þeir sem hafa áhuga á að taka þátt í forvalinu eru beðnir að senda inn upplýsingar fyrir kl. 16:00, dags. 5. nóvember 2021 til Sveitarfélagsins Hornafjarðar: afgreidsla@hornafjordur.is merkt “Leiðarhöfði, forval”.

Ef umsókn er send í pósti er nægilegt að póststimpill sé innan tilskilins tímaramma.

Verkefnisstjóri samkeppninnar og ritari dómnefndar er Jóhanna Helgadóttir, skipulagsfræðingur og arkitekt AÍ, jh@arkthing.is 

Trúnaðarmaður dómnefndar er Ólafur Melsted, FÍLA, trundarmadurfila@gmail.com.

Laugavegur - annar fyrirlestur í fyrirlestrarröðinni Sneiðmyndar LHÍ

Hönnunarverðlaun Íslands fara fram 29. október í Grósku

Vegrún kynnt á ráðstefnu Slysavarnarfélagsins Landsbjörg

Leiðarhöfði - Forval vegna skipulags og hönnunar áfangastaðar/íbúðabyggðar

Deila

Tögg