Miðstöð hönnunar og arkitektúrs
    • Nýjast
    • Greinar
    • HönnunarMars
    • Viðtöl
    • Aðsent
    • Hönnunarmars
    • Hönnunarverðlaun Íslands
    • Hönnunarsjóður
    • Útlínur framtíðar - Hönnunarstefna 2030
    • Samkeppnir&Valferli
    • Skapalón
    • Góðar leiðir
    • HA – tímarit um íslenska hönnun og arkitektúr
    • Ertu að leita að hönnuði og arkitekt?
    • Verslanir sem selja íslenska hönnun
    • LHÍ hönnun og arkitektúrdeild
    • Hönnunarsafn Íslands
    • Félög hönnuða og arkitekta
    • Hönnunarsjóður
    • Hönnunarverðlaun Íslands
    • Styrkir
    • Samningar
    • Hönnunarnám
    • Ráðstefnur og sýningar
    • Félög hönnuða og arkitekta
    • Arkitektafélag Íslands
    • Félag íslenskra landslagsarkitekta
    • Félag húsgagna- og innanhússarkitekta
    • Félag íslenskra teiknara
    • Fatahönnunarfélag Íslands
    • Félag vöru-og iðnhönnuða
    • Félag íslenskra gullsmiða
    • Leirlistafélag Íslands
    • Textílfélagið
    • Starfsemi og hlutverk
    • Starfsfólk
    • Stjórnir
    • Hafa samband
    • Útgefið efni
  • hönnunarverðlaun Íslands
    • English
    • Íslenska

info@honnunarmidstod.is

  • Facebook
  • Instagram
  • Vimeo
hönnunarverðlaun Íslands
Aftur í HA/fréttir
    • English
    • Íslenska

HönnunarMars 2024 - Framtíðin er björt

16. apríl 2024

HönnunarMars er rétt handan við hornið en hátíðin fer fram dagana 24. - 28. apríl og fjölbreytt dagskráin breiðir úr sér um alla borg. Í boði eru um 100 sýningar og 200 viðburðir - eitthvað fyrir öll!

Sýningar og viðburðir HönnunarMars veita innsýn í það sem framtíðin ber í skauti sér. Í þessari samantekt eru viðburðir og sýningar sem gefa okkur nasasjón af framtíðinni. Áhersla er lögð á unga upprennandi hönnuði, sem og alls kyns tækni sem gera okkur kleift að sjá hlutina í nýju ljósi.

House of Error - Waning Moon

House of Error er glænýtt stafrænt tískuhús sem mun frumsýna sitt fyrsta “collection”,  Dvínandi tungl, á HönnunarMars 2024. Dvínandi tungl heiðrar framlag kvenna til tækni og lista, og gagnrýnir í senn kerfislæga fordóma sem hafa jaðarsett konur í þessum geirum. Dvínandi tungl sækir innblástur í samband kvenna við hringrás tunglsins, framlag kvenna til vísinda, stafrænt handverk og dulspeki. Á sýningunni verður hægt að prófa stafrænar flíkur í viðbótarveruleika.

House of Error - Waning Moon

FLEY - Samsýning upprennandi hönnuða

FLEY er samsýning upprennandi hönnuða sem haldin verður í fyrsta skiptið á HönnunarMars í ár. Sýningin er ætluð sem lendingarpallur fyrir upprennandi hönnuði jafnt sem fley sem flytur þau áfram inn í íslenskt hönnunarlíf. Hönnuðirnir eru einskonar þyrlur, hlaða fleyið góssi og bera svo frá því mikilvægan varning, þekkingu. Þau svífa svo af stað inn í framtíðina.

FLEY - Samsýning upprennandi hönnuða

Young Talents of Fashion Design - Landsbankinn

Landsbankinn í samstarfi við HönnunarMars gefur sjö ungum fatahönnuðum sviðið á hátíðinni. Vel valdar flíkur frá hönnuðunum verða til sýnis í bankanum þar sem gestum gefst tækifæri til að sjá og upplifa handverk þeirra ásamt því að fá innsýn inn í þeirra vinnu og hvert fatahönnuðir framtíðarinnar stefna.

Young Talents of Fashion Design - Landsbankinn

Sirkus Hversdagsleikans

Eyrún Ey býður gestum HönnunarMars í ferðalag inní stafrænan þrívíddarheim þar sem kannað verður hvað gerist ef við byrjum að skoða hversdagslega hluti í nýju ljósi. Hvað hefur heimurinn í kringum okkur að segja ef við hættum að taka honum sem sjálfsögðum hlut? Eyrún er sjálfstætt starfandi þrívíddar listamaður með áratuga reynslu í stafrænni grafík fyrir kvikmyndir, sjónvarp og auglýsingar.

Sirkus Hversdagsleikans

Samhljómur

Sigmundur Páll Freysteinsson og Halldór Eldjárn sýna seríu af textílverkum frá samstarfsverkefninu þeirra Samhljómur. Maðurinn vinnur stöðugt gegn því að vera hluti af náttúrunni. Líf okkar er fullt af tólum og tækjum sem ýta okkur út í að lifa innan veggja stafrænnar tækni. Í staðinn fyrir að berjast gegn tækninni nýta Sigmundur og Halldór hana á nýstárlegan hátt í samblandi við aldagamalt rótgróið japanskt handverk.

Samhljómur

Innsýni

Innsýni fagnar upprennandi íslenskum fatahönnuðum með sýningaropnun á HönnunarMars þriðja árið í röð en í ár verða sex íslenskir fatahönnuðir kynntir. Sýningin styður við markmið Innsýnis sem er að efla og styðja við næstu kynslóð íslenskra hönnuða og veita þeim aðstöðu og skapa grundvöll þar sem þau geta sýnt sköpunarverk sín og myndað tengsl við íslenskan jafnt sem erlendan iðnað.

Innsýni

Gagnvirkar Verndarverur

Sýningin ,,Gagnvirkar Verndarverur" frumsýnir nýjustu línu Saga Kakala af silkislæðum í samstarfi við Maríu Guðjohnsen þrívíddarhönnuð. Í þessari röð af þrívíddarmyndum fá gestir að kynnast ásýnd íslenskra kynjaskepna í undarlegu og nútímalegu ljósi. Skepnurnar hafa það ævintýralega verkefni að standa vörð um íslenskar fornleifar, eða steina sem finnast í íslenskri náttúru.

Gagnvirkar Verndarverur

Þín Skapandi Gervigreind

Með verkinu Þín Skapandi Gervigreind eru styrkleikar og veikleikar gervigreindar í sköpunarferlinu rannsakaðir. Hvernig parast tæknin við mannlega eiginleika eins og upplifun á fegurð, virði og skilning á fjölbreytilegu samhengi?

Þín Skapandi Gervigreind

Hagvextir

Verkefnið nýtir hagfræðigögn til að skapa þrívíða skúlptúra. Hér eru gerðar tilraunir til þess að auka skilning á flóknum upplýsingum með hlutbundinni miðlun. Getur þrívíður skúlptúr aðstoðað við að skilja hluti eins og áhrif stýrivaxta á hversdagslífið?

Hagvextir

TROUBLE - Data Sculpted Futures

Hönnunarspjall JOYH veitir innsýn í hönnunaraðferðafræði þar sem notuð eru háþróuð reikniverk, vélnám og sandprentun. JOYH er skapandi hönnunarstúdíó með aðsetur í Vínarborg, sem leggur áherslu á efnisrannsóknir og nýtingu reikniverkfæra þar sem kannaðar eru nýstárlegar aðferðir til að endurskilgreina svið byggingarlistar.

TROUBLE - Data Sculpted Futures

HönnunarMars.is - kynntu þér alla dagskrána hér

Smelltu hér

Tengt efni

  • HönnunarMars 2024 - Skartgripahönnun

  • HönnunarMars 2024 - Fyrir heimilið

  • HönnunarMars 2024 - Upplifðu!

Dagsetning
16. apríl 2024
Höfundur
Steinunn Hauksdóttir

Deila

  • Facebook
  • Twitter
  • Pinterest

Tögg

  • Fagfélög
  • HönnunarMars
  • Greinar

Miðstöð hönnunar og arkitektúrs
Gróska, Bjargargata 1
102 Reykjavik

info@honnunarmidstod.is

  • Facebook
  • Instagram
  • Vimeo
  • Pinterest
© Hönnunarmiðstöð 2025.

Sími 771 2200