Það var mikið um dýrðir í Grósku síðastliðinn fimmtudag þar sem fjöldi gesta fræddust um og fögnuðu framúrskarandi hönnun og arkitektúr á Hönnunarverðlaunum Íslands. 

Dagurinn hófst með innsýn inn í þau verkefni sem tilnefnd voru til verðlaunanna í ár og umræðum sem þau Rúna Thors, hönnuður og lektor við hönnunardeild Listaháskóla Íslands og Bergur Finnbogason, creative director hjá CCP stýrðu. Í kjölfarið fór svo fram verðlaunaafhending þar sem Plastplan hlaut Hönnunarverðlaun Íslands 2022, Reynir Vilhjálmsson, landslagsarkitekt var Heiðursverðlaunahafi Hönnunarverðlaunanna og Fólk Reykjavík hlaut viðurkenningu fyrir bestu fjárfestingu í hönnun. 

Lilja D. Alfreðsdóttir, ráðherra menningar og viðskipta afhenti heiðursverðlaunin og aðalverðlaun kvöldsins og Árni Sigurjónsson, formaður stjórnar Samtaka iðnaðarins afhenti viðurkenninguna fyrir bestu fjárfestingu í hönnun. Bergur Finnbogason sá um að stýra verðlaunaafhendingunni sjálfri. 

Kvikmyndað efni verðlaunanna var í höndunum á Einari Egilssyni og Auður Ösp sá um upplifunarhönnunina. 

Það er Miðstöð hönnunar og arkitektúrs sem stendur að verðlaununum, í samstarfi við Hönnunarsafn Íslands, Listaháskóla Íslands, Íslandsstofu og Samtök iðnaðarins.

Hér má sjá myndir frá deginum. Ljósmyndari: Aldís Páls

Viðurkenningu fyrir bestu fjárfestingu í hönnun árið 2022 hlýtur Fólk Reykjavík

Reynir Vilhjálmsson, landslagsarkitekt hlýtur Heiðursverðlaun Hönnunarverðlauna Íslands 2022

Plastplan hlýtur Hönnunarverðlaun Íslands 2022

Framúrskarandi fögnuður á Hönnunarverðlaunum Íslands

Deila

Tögg