Hönnunarfyrirtækið Gagarín þróaði átta yfirgripsmiklar og fræðandi innsetningar á sýninguna ‘Once Upon a Sea’ á  sædýrasafninu Bláa plánetan (Den Blå Planet) sem er eitt stærsta og metnaðarfyllsta sædýrasafn í Norður-Evrópu, staðsett í Kaupmannahöfn. Auk innsetninganna var Gagarín ábyrgt fyrir allri grafískri hönnun og myndlýsingum á sýningunni.

Hönnunarfyrirtækið Gagarín þróaði átta yfirgripsmiklar og fræðandi innsetningar á sýninguna ‘Once Upon a Sea’ á  sædýrasafninu Bláa plánetan (Den Blå Planet) sem er eitt stærsta og metnaðarfyllsta sædýrasafn í Norður-Evrópu, staðsett í Kaupmannahöfn. 

Sýningin gefur gestum innsýn í löngu horfna tíma áður en menn reikuðu um jörðina en þá iðaði hafið af fjölbreyttum furðuverum á öllum skala - skepnur sem líktust í engu þeim sjávardýrum sem við þekkjum í dag.

Höfin segja í raun mjög spennandi sögu um uppruna lífsins og tímann áður en forfeður okkar skriðu á land. Saga þeirra er ekki aðeins sagan okkar, heldur saga um róttækar breytingar á loftslagi og umhverfi um leið og hún er gagnagrunnur um tilvist tegundanna.

Gagarín þróaði átta yfirgripsmiklar og fræðandi innsetningar sem taka gestinn langt aftur í tímann, allt frá fyrsta lífsneistanum á jörðinni og þar til fyrstu verurnar skriðu upp á land. Auk innsetninganna var Gagarín ábyrgt fyrir allri grafískri hönnun og myndlýsingum á sýningunni.

Sem fjölbreytt sýning teiknast sögur sýningarinnar upp í spennandi og umhugsunarverðar gagnvirkar innsetningar um leið og þær miðla vísindalega traustum upplýsingum unnar af sérfræðingum.

Í gegnum alla sýninguna uppgötvar gesturinn furðulega og framandi hluti um leið og hann lærir um áhrif mannlegrar tilvistar á hafið. 

Gestir ljúka svo ferðalaginu með áheiti um aðgerðir til að hafa jákvæð áhrif á líffræðilega fjölbreytni hafsins. Þar leggja þeir sitt heit á að vernda hafið sem við ásamt forfeðrum okkar spruttum úr.  

 Hringur Hafsteinsson, Creative director

Eins og í flestum verkum Gagarín var helsta áskorunin að miðla umfangsmiklum vísindalegum upplýsingum til gestanna á þann hátt að allir gætu notið óháð aldri eða stöðu. 
Önnur áskorun var að hanna og afhenda heila sýningu á tímum ferðatakmarkana þar sem enginn úr fyrirtækinu hafði kost á að fara á staðinn, hvort sem var til að greina hann í undirbúningnum eða taka út sýninguna að uppsetningu lokinni.
Að verki loknu kom okkur öllum á óvart hversu árangursríkt samstarfið var þar sem öll samskipti í gegnum ferlið fóru fram á fjarfundum því annar hittingur var ómögulegur á tímum covid

Vekjum athygli á mikilvægi hönnunar og arkitektúrs fyrir samfélagið

Gagarín hannar sýningu fyrir stærsta sædýrasafn Norðurlandanna

Deila

Tögg