Góð hönnun er fyrir alla | Aðgengismál á baðstöðum
Miðvikudagana 23. nóvember, 7. desember og 25. janúar verða haldnar opnar málstofur um aðgengi. Á fyrstu málstofunni þann 23. nóvember verður umræðupunkturinn baðstaðir og aðgengismál. Þann 23. nóvember verður umræðupunkturinn baðstaðir en þá munu Harpa Cilia byggingafræðingur og ráðgjafi í algildri hönnun , Heba Hertervig arkitekt hjá VA arkitektum og Margrét Lilja Aðalsteinsdóttir formaður Sjálfsbjargar Landssamband Hreyfihamlaðra allar halda erindi um aðgengismál á baðstöðum.
Málstofurnar eru liður í samstarfi um upplýsingagjöf um algilda hönnun. Á bak við málstofurnar standa Öryrkjabandalag Íslands (ÖBÍ), Arkitektafélag Íslands (AÍ), Félag íslenskra landslagsarkitekta (FÍLA), Félag húsgagna- og innanhússarkitekta (FHI), Byggingafræðingafélag Íslands (BFÍ) og Húsnæðis- og mannvirkjastofnunar (HMS).
Léttar veitingar í boði.
Fyrir þá sem eiga ekki heimangengt er gott að vita að viðburðunum verður streymt á live.lhi.is.
Aðgengismál á baðstöðum:
Hvenær: 23. nóvember kl. 12:15 - 13:30
Hvar: Í fyrirlestrarsal A, LHÍ Þverholti 11
________________
Til upplýsinga:
Þann 5. maí s.l. var undirrituð samstarfsyfirlýsing Öryrkjabandalags Íslands (ÖBÍ), Arkitektafélags Íslands (AÍ), Félags íslenskra landslagsarkitekta (FÍLA), Félags húsgagna- og innanhússarkitekta (FHI), Byggingafræðingafélags Íslands (BFÍ) og Húsnæðis- og mannvirkjastofnunar (HMS) um bætta upplýsingagjöf í aðgengismálum fyrir hönnuði í mannvirkjagerð.
Með samstarfi þessu er opnað á nauðsynlegt samtal með því markmiði að allir geta notið hins manngerða umhverfis. Þannig er stuðlað að meira jafnrétti fatlaðra og ófatlaðra í hinu daglega lífi.
