Hlutverk hönnunar á tímum náttúruvár
![](https://images.prismic.io/midstod-honnunar-og-arkitekturs/ZiVg1vPdc1huKqR4_Bl%C3%A1al%C3%B3ni%C3%B0h%C3%B6nnunarmars.jpeg?auto=format%2Ccompress&rect=0%2C0%2C1920%2C1005&w=1620&h=848)
Bláa Lónið í samstarfi við HönnunarMars, Arkitektafélag Íslands og FÍLA - Félag íslenskra landslagsarkitekta stendur fyrir samtali um viðbragðshönnun–hlutverk hönnunar þegar bregðast þarf við náttúruhamförum eða ófyrirséðum aðstæðum. Viðburðurinn fer fram föstudaginn 26. apríl kl. 12:00 - 14:00 í Grósku.
Getum við hannað okkur í gegnum náttúruvá?
Samtal um viðbragðshönnun og gildi hönnunar þegar bregðast þarf við náttúruhamförum. Valdir sérfræðingar á sviði hönnunar fjalla um hlutverk hennar á tímum jarðhræringa og nokkrum spurningum verður velt upp með það að markmiði að nýta þá reynslu sem safnast hefur saman í atburðum síðustu ára.