Hönnunarsjóður - umsóknarfrestur til 2. september
![](https://images.prismic.io/midstod-honnunar-og-arkitekturs/c0fdcf1b-1f90-404b-a023-c202c000a6b9_MHA_Ho%CC%88nnunarsjo%CC%81%C3%B0ur_202120x30cm_11A7344.jpg?auto=compress,format&rect=0,0,3543,2362&w=1620&h=1080)
Umsóknarfrestur í Hönnunarsjóð rennur út á miðnætti 2. september næstkomandi. Um er að ræða almenna- og ferðastyrki og síðari úthlutun ársins 2021.
Styrkirnir sem um ræðir eru eftirfarandi: þróunar- og rannsóknarstyrkir, verkefnastyrkir, markaðs- og kynningarstyrkir og ferðastyrkir. Nánar um styrki Hönnunarsjóðs má finna hér en ef það vakna einhverjar spurningar vinsamlegast hafið samband á sjodur@honnunarmidstod.is.
Úthlutun fer fram þann 7. október.
Hönnunarsjóður veitir styrki til margvíslegra verkefna á sviði hönnunar og arkitektúrs: þróunar og rannsókna, verkefna og markaðsstarfs auk ferðastyrkja. Hlutverk sjóðsins er að efla þekkingu, atvinnu- og verðmætasköpun á sviði hönnunar og arkitektúrs með fjárhagslegum stuðningi en sjóðurinn er fjármagnaður af stjórnvöldum.
Hönnunarsjóður stuðlar einnig að auknum útflutningi íslenskrar hönnunar með því að styrkja kynningar- og markaðsstarf erlendis.
![](https://images.prismic.io/midstod-honnunar-og-arkitekturs/9c1414ff-9686-4d15-9d0f-ccd9109df560_MHA_Ho%CC%88nnunarsjo%CC%81%C3%B0ur_2021Samanv2.jpg?auto=compress,format)