Á tíunda starfsári Hönnunarsjóðs Íslands er ástæða til að líta yfir farinn veg og varpa ljósi á mikilvægt og verðmætaskapandi starf sjóðsins. Af því tilefni verður blásið til viðburðar í fyrirlestrarsal Grósku, föstudaginn 6. maí kl. 15–17.

Þar munu valdir styrkþegar veita innsýn í verkefni sín og hvaða þýðingu Hönnunarsjóður hefur haft fyrir framgang þeirra.

Allir velkomnir á meðan húsrúm leyfir.

Dagskrá: 

Eydís Kvaran flytur verk á Dórófón sem er  nýtt raf-akústísk, strengjahljóðfæri, þróað í um áratug af Halldóri Úlfarssyni myndlistarmanni og hönnuði og hlaut styrk úr Hönnunarsjóði 2020. Kemur einnig fram á viðburði í Elliðaárstöð á HönnunarMars, sjá hér. 


Birna Bragadóttir formaður Hönnunarsjóðs 


Pikkolo er skilvirkt og heildstætt dreifikerfi fyrir matvæli sem versluð eru á netinu. Verkefnið leggur áherslu á þverfaglega hönnunardrifna nálgun frá upphafi til þess að auka líkur á því að lausnin leiði til róttækra breytinga á því hvernig við nálgumst matvælin okkar í framtíðinni með umhverfis- & notendavænni hætti. Hlaut styrk 2021.


Plastplan Re:maker, stærsti iðnaðar þrívíddarprentari sem til er á markaði, eftir hönnunarstudioið og plastendurvinnsluna Plastplan sem sérhæfir sig í endurvinnslu á plasti. Sérstaða prentarans er að hann getur prentað stóra nytjahluti úr endurunnu plasti verður langt um stærsti prentarinn á markaði. Hlaut styrk 2021. Plastplan er með sýningu á HönnunarMars, sjá hér og hér. 


Vistbók er nýsköpunarverkefni í íslenskum byggingariðnaði sem miðar að þróun á verkfæri fyrir sjálfbærari byggingariðnað. Vistbók auðveldar fagaðilum sem og húseigendum að velja umhverfisvottaðar byggingarvörur og utanumhald á byggingum í umhverfisvottunarferli. Verkefnið hlaut styrk úr Hönnunarsjóði 2021. 


Gagarín hlaut styrk árið 2020 fyrir verkefnið, Mixed Reality: "The big picture of Climate Change" sem felur í sér rannsókn, hönnun, tilraunir, þróun vísindalegrar frásagnar og miðlunar tölfræði í raun og sýndarheimi sem snýr að loftslagsbreytingum. 

Flétta hönnunarstofa, Hrefna Sigurðardóttir og Birta Rós Brynjólfsdóttir, í samvinnu við Kristínu Sigurðardóttir, hönnuð hlutu styrk 2020 fyrir að skoða möguleika á endurvinnslu steinullar í nýtt hráefni. Verkefnið gefur fyrirheit um spennandi og óhefðbundna möguleika á endurvinnslu steinullar sem krefst frekari rannsókna. Verkefnið er til sýnis í Hafnarborg á HönnunarMars í ár. 


Fúsk, Gufunesi er skapandi gámasamfélags að erlendri fyrirmynd sem er sjálfstæð hugsjónadrifin rannsóknarstofa þar sem frumkvæði fær að blómstra í kraftmiklu andrúmslofti. Áhersla lögð á þverfaglegt samstarf innan hönnunarheimsins, endurnýtingu og samfélagslega menntun. Hlutu styrk 2020. 


Hönnunarfyrirtækið Fólk er nýsköpunarfyrirtæki stofnað árið 2017 til að ýta undir hönnun og framleiðslu sem styður sjálfbærni og hringrás hráefna auk þess að vera stökkpallur fyrir íslenska hönnuði á erlendri grundu. Fyrirtækið hlaut styrk fyrir markaðssetningu í Evrópu 2019. Fólk er með sýningu á HönnunarMars, sjá hér. 


Hönnunarstudíóið As We Grow framleiðir fatnað en sérkenni hönnunarinnar felst í að stærðirnar duga allt að því helmingi lengur en stærðir hefðbundins fatnaðar þar sem er hugsað vandlega um hvert skref í ferlinu, frá hönnun til efnisvals og frá framleiðslu á flíkinni til áframhaldandi lífdaga hennar. Fyrirtækið hefur hlaut Hönnunarverðlaun Íslands 2016. Fyrirtækið hlaut styrk fyrir markaðssetningu í Japan 2015. As We Grow er með sýningu á HönnunarMars, sjá hér. 


Síðan Flothetta kom á markað 2012 hafa orðið til áhugaverðar og endurnærandi nýjungar í baðmenningu þjóðarinnar. Hönnunin hefur náð að skapa heim upplifanna og nærandi samveru í vatni. Segja má að Flothetta hafi ekki einungis gefið af sér samfélag, heldur einnig menningu. Í heimi heilsu og vellíðunar er það trú okkar að íslensk hönnun líkt og Flothetta geti verið leiðandi og skapandi afl í að þróa og kynna fyrir heiminum djúpslakandi og endurnærandi vatnsmeðferðir. 


Lilja Alfreðsdóttir menningar– og viðskiptaráðherra verður með ávarp. 

Kynnar eru Greipur Gíslason og Edda Kristín Sigurjónsdóttir

Viðburðir fyrir umhverfið á HönnunarMars

Viðburðir fyrir matarunnendur á HönnunarMars

Viðburðir fyrir fjölskylduna á HönnunarMars

Hönnunarsjóður í 10 ár

Deila

Tögg