Þórdís Kolbrún Reykfjörð Gylfadóttir ferðamála-, iðnaðar- og nýsköpunarráðherra skrifar um hönnun og arkitektúr á Íslandi. 

Þórdís Kolbrún Reykfjörð Gylfadóttir ferðamála-, iðnaðar- og nýsköpunarráðherra skrifar um hönnun og arkitektúr :

Það getur verið áskorun að lýsa því í aðeins þremur orðum fyrir hvað maður stendur og hvert maður vill stefna. Í tilviki Miðstöðvar hönnunar og arkitektúrs er mikilvægt að lýsingin endurspegli þann metnað og kraft sem einkennir starfsemina. Niðurstaðan hittir í mark. „Hreyfiafl sjálfbærrar verðmætasköpunar.“ 

Það getur verið áskorun að lýsa því í aðeins þremur orðum fyrir hvað maður stendur og hvert maður vill stefna. 

Í tilviki Miðstöðvar hönnunar og arkitektúrs er mikilvægt að lýsingin endurspegli þann metnað og kraft sem einkennir starfsemina. 

Niðurstaðan hittir í mark. „Hreyfiafl sjálfbærrar verðmætasköpunar.“ 

Eftir fjögurra ára samskipti mín við breiðfylkingu hönnuða og arkitekta hika ég ekki við að taka undir hvert þessara orða. 

Hreyfiafl er sannarlega lýsandi fyrir þá nálgun og kraft sem einkennir starf miðstöðvarinnar. Tækniframfarir og samfélagslegar áskoranir gera það að verkum að stöðnun er einfaldlega ekki valkostur. 

Sjálfbærni er ekki ný krafa en sígild, og raunar rúmlega það því að gildi hennar og mikilvægi fer sífellt vaxandi. Miðstöðin hefur sýnt með verkum sínum að hún er í fylkingarbrjósti þegar kemur að útbreiðslu á aðferðafræði skapandi hugsunar og þar með grænna og sjálfbærra lausna. 

Verðmætasköpun er fólgin í því að auka og efla hvers kyns samstarf hönnuða og fyrirtækja. Segja má að við stöndum á margan hátt frammi fyrir því að „nýskapa“ heilan heim. Í því verkefni er hönnun uppspretta verðmæta, sem gefur nýsköpun vængi, tryggir samfélaginu arð og fólki eftirsóknarverð störf. 

Megi starf Miðstöðvar hönnunar og arkitektúrs halda áfram að blómstra í þeim suðupotti nýsköpunar sem Grósku hugmyndahúsi er ætlað að vera. 

Skýrsla Miðstöðvar hönnunar og arkitektúrs 2020 er komin út

Taktu þátt í að móta framtíð hönnunar og arkitektúrs á Íslandi

Hreyfiafl sjálfbærrar verðmætasköpunar

Deila

Tögg