Flétta tekur snúning á búningum Icelandair
![](https://images.prismic.io/midstod-honnunar-og-arkitekturs/ZiPH8PPdc1huKpzL_Untitled-12.jpg?auto=format%2Ccompress&rect=0%2C0%2C1920%2C1080&w=1620&h=911)
Getur einkennisfatnaður orðið að tösku? Snúningur er samstarfsverkefni Icelandair og vöruhönnuðanna Hrefnu Sigurðardóttur og Birtu Rós Brynjólfsdóttur hjá Stúdíó Fléttu. Verkefnið felur í sér að finna eldri einkennisbúningi Icelandair nýjan farveg og afraksturinn verður til sýnis á HönnunarMars.
Einkennisfatnaður Icelandair hefur yfir áralangt skeið flogið um loftin blá og boðið milljónir farþega velkomna um borð. Nú hefur hann lagst í helgan stein með tilkomu nýja einkennisfatnaðarins en okkur langaði fyrst að taka snöggan snúning á hinum gamla og leyfa hans fræga ferðalagi að halda áfram.
Þær Birta og Hrefna í Stúdíó Fléttu fundu leið til að blása nýju lífi í gamla einkennisbúninginn okkar. Heill heimur efniviðar stóð þeim til boða, allt frá hnöppum og höttum, pífum og sylgjum, til krúta og kraga. Með skapandi hugsun, spurðu þær sig: Getur einkennisfatnaður orðið að tösku?
Velkomin í Landsbankarýmið á Hafnargötu dagana 24. - 28. apríl til að sjá svörin við þessari spurningu.
Snúningur
![](https://images.prismic.io/midstod-honnunar-og-arkitekturs/ZhajRTjCgu4jzusW_snu%CC%81ningur.jpeg?auto=format,compress)
Getur einkennisfatnaður orðið að tösku? Snúningur er samstarfsverkefni Icelandair og vöruhönnuðanna Hrefnu Sigurðardóttur og Birtu Rós Brynjólfsdóttur hjá Stúdíó Fléttu. Verkefnið felur í sér að finna eldri einkennisbúningi Icelandair nýjan farveg en Icelandair tók í notkun nýjan einkennisfatnað á síðasta ári. Stúdíó Flétta leggur sérstaka áherslu á endurnýtingu efna, staðbundna framleiðslu og ábyrga hönnun sem er um leið áhugaverð og lausnamiðuð.