Könnun BÍL og BHM um starfsumhverfi, tekjur og félagslegt öryggi listafólks á Íslandi

Félagsmenn hafa nú fengið tölvupóst frá Bandalagi háskólamanna þar sem þér verður boðið að taka þátt í mikilvægri könnun á vegum Bandalags íslenskra listamanna (BÍL) og BHM um starfsumhverfi, tekjur og félagslegt öryggi listafólks á Íslandi.

Við hvetjum ykkur eindregið til að gefa þér tíma til að svara könnuninni. Mikilvægt er að sem flestir taki þátt svo niðurstöðurnar gefi sem gleggsta mynd af raunverulegri stöðu listafólks hér á landi.

Markmið könnunarinnar er að varpa ljósi á starfsaðstæður listafólks, tekjuöflun og félagslegt öryggi. Niðurstöðurnar verða mikilvægt verkfæri í hagsmunagæslu BÍL og aðildarfélaga þess og munu nýtast í baráttunni fyrir bættum kjörum, meðal annars hækkun listamannalauna og styrkja, auknu afkomuöryggi og betra starfsumhverfi listafólks.

Það tekur aðeins um 10–15 mínútur að svara könnuninni og hvert einasta svar skiptir máli.

Veglegir vinningar fyrir þátttakendur

Dregið verður úr hópi þátttakenda um veglega vinninga, meðal annars:

• 50.000 kr. gjafabréf.
• Sinfóníuhljómsveit Íslands: 2 gjafakort að verðmæti 20.000 kr. hvort.
• Tjarnarbíó: 2 gjafakort að verðmæti 10.000 kr. hvort.
• Listasafn Reykjavíkur: 1 vinningur.
• Borgarleikhúsið: 1 miði sem gildir fyrir tvo.

Með þátttöku þinni leggur þú mikilvægt af mörkum til þess að styrkja hagsmunabaráttu listafólks og stuðla að bættum kjörum og starfsskilyrðum þess.

Takk fyrir að taka þátt!