Landsbankinn er nýr bakhjarl HönnunarMars og verður samstarfsaðili hátíðarinnar næstu þrjú árin. Samningar þess efnis voru undirritaðir í vikunni. Hátíðin fer fram í fimmtánda sinni dagana 3 - 7 maí 2023. 

Landsbankinn er nýr bakhjarl HönnunarMars og verður samstarfsaðili hátíðarinnar næstu þrjú árin.  HönnunarMars, sem fer fram í fimmtánda sinn árið 2023, hefur fest sig í sessi sem mikilvægt samfélagsverkefni þar sem áhersla er lögð á nýsköpun, sjálfbærni og nýjar lausnir. 

Hátíðin er ein af sex borgarhátíðum Reykjavíkurborgar og dregur að sér fjölbreyttan hóp gesta, almenning jafnt sem innlent og erlent fagfólk. Þar geta gestir og þátttakendur fengið innblástur og kynnst fjölbreyttri hönnun og arkitektúr.

„Með samstarfinu við HönnunarMars viljum við styðja við íslenska hönnun, arkitektúr og mikilvægt frumkvöðlastarf. Hátíðin hefur vaxið og dafnað undanfarin ár og laðar til sín mikinn fjölda gesta. Landsbankinn styður við margskonar menningar- og íþróttastarf um allt land og við erum ánægð og stolt af því að vera nú orðin einn af öflugum bakhjörlum HönnunarMars“ Sara Pálsdóttir, framkvæmdastjóri Samfélags Landsbankans.

„Við fögnum því að fá Landsbankann til liðs við okkur enda gríðarlega mikilvægt fyrir hátíð eins og HönnunarMars að vera með góða og öfluga bakhjarla. Landsbankinn hefur sýnt það í verki í gegnum tíðina að styðja vel við skapandi greinar og menningarlíf landsins. Saman getum við eflt HönnunarMars sem helsta kynningarafl íslenskrar hönnunar og við hlökkum til samstarfsins framundan.“ 
Helga Ólafsdóttir, stjórnandi HönnunarMars.

HönnunarMars fer næst fram dagana 3.-7. maí 2023 og er dagskráin að taka á sig fjölbreytta og spennandi mynd. 
Forsala er hafin á lykilviðburð hátíðarinnar, ráðstefnuna DesignTalks, sem verður haldin 3. maí. Hægt er að kaupa miða hér. 

Tanja Levý er upplifunarhönnuður HönnunarMars 2023

Helga Ólafsdóttir er nýr stjórnandi HönnunarMars

Landsbankinn er nýr bakhjarl HönnunarMars til þriggja ára

Deila

Tögg