Minisophy/Smáspeki sýning í Ásmundarsal - síðasti sýningardagur 30. ágúst
![](https://images.prismic.io/midstod-honnunar-og-arkitekturs/8301364d-9d85-47f3-a68c-ece110f32206_Minisophy+i%CC%81+A%CC%81smundarsal+.jpg?auto=compress,format&rect=0,0,2048,1365&w=1620&h=1080)
𝗠𝗜𝗡𝗜𝗦𝗢𝗣𝗛𝗬/𝗦𝗠Á𝗦𝗣𝗘𝗞𝗜 er ný tegund heimspeki sem er öllum viðkomandi. Hún er heimspeki litlu hlutanna. Á bakvið smáspekina standa hönnuðurinn Katrín Ólína Pétursdóttir og heimspekingurinn Sigríður Þorgeirsdóttir.
Sýningin, sem opnaði í Ásmundarsal fyrr í mánuðinum, gefur gestum innsýn í heimspekilega vídd hversdagsins, þar sem litlir hlutir eru teknir úr sínu hefðbundna samhengi og virtir að verðleikum en myndheimur sýningarinnar er í höndum Katrínar Ólínu.
- Mannyrkjustöðin á vegum Hrefnu Lindar Lárusdóttur og Búa Bjarmar Aðalsteinssonar, verður með útibú í rýminu þar sem gestum stendur til boða að taka plöntugreiningarpróf og finna sína innri plöntu.
- Fjöllistamaðurinn Árni Vilhjálmsson verður með smáspekilega innsetningu um öndun, Hvernig ætlar þú að anda í hádeginu?
- Hugsuðurinn og ljóðskáldið Freyja Þórsdóttir verður með smáspekilega innsetningu um spírur, Mikið í litlu.
𝗗agskrá næstu daga á sýningunni er eftirfarandi:
– SMÁSPEKI ÍSLENSKA DANSFLOKKSINS: föstudaginn 28. ágúst kl. 15:00 kemur Íslenski dansflokkurinn og dansar sína smáspeki.
– SMÁSPEKILEG TÁLGUN: Þórdís Halla Sigmarsdóttir smíðakennari og heimspekingur tálgar og hugsar smáspekilega með gestum út í garði, ef veður leyfir sunnudaginn 30. ágúst kl 15:00.
– HVAÐ GETUM VIÐ LÆRT AF PLÖNTUM: Sigríður Þorgeirsdóttir heimspekingur ræðir við Þóru Ellen Þórhallsdóttur prófessor í líffræði um smáspeki plantna, sunnudaginn 30. ágúst kl 16:00.
![](https://scontent-iad3-1.cdninstagram.com/v/t51.2885-15/sh0.08/e35/s640x640/118155879_138445344351308_5562249864261570880_n.jpg?_nc_ht=scontent-iad3-1.cdninstagram.com&_nc_cat=108&_nc_ohc=l5tKlmyc5rYAX97ypCz&oh=24f9fbe788b0460248077407f1ed9965&oe=5F48D38C)
![](https://scontent-iad3-1.cdninstagram.com/v/t51.2885-15/sh0.08/e35/s640x640/117966167_122977745889833_885679575856441841_n.jpg?_nc_ht=scontent-iad3-1.cdninstagram.com&_nc_cat=105&_nc_ohc=f6QR05a77yoAX9mFDDB&oh=54ff80eb5e8045ce19855c54fe52da9b&oe=5F701E1C)
![](https://scontent-iad3-1.cdninstagram.com/v/t51.2885-15/e35/118194507_117374253227083_5992124602885663791_n.jpg?_nc_ht=scontent-iad3-1.cdninstagram.com&_nc_cat=107&_nc_ohc=3n7lICiBtykAX9yKaRl&oh=5264e31de38eb6cac816a9427649ddd9&oe=5F48DFE3)