Miðstöð hönnunar og arkitektúrs
    • Nýjast
    • Greinar
    • HönnunarMars
    • Viðtöl
    • Aðsent
    • Hönnunarmars
    • Hönnunarverðlaun Íslands
    • Hönnunarsjóður
    • Útlínur framtíðar - Hönnunarstefna 2030
    • Samkeppnir&Valferli
    • Skapalón
    • Góðar leiðir
    • HA – tímarit um íslenska hönnun og arkitektúr
    • Ertu að leita að hönnuði og arkitekt?
    • Verslanir sem selja íslenska hönnun
    • LHÍ hönnun og arkitektúrdeild
    • Hönnunarsafn Íslands
    • Félög hönnuða og arkitekta
    • Hönnunarsjóður
    • Hönnunarverðlaun Íslands
    • Styrkir
    • Samningar
    • Hönnunarnám
    • Ráðstefnur og sýningar
    • Félög hönnuða og arkitekta
    • Arkitektafélag Íslands
    • Félag íslenskra landslagsarkitekta
    • Félag húsgagna- og innanhússarkitekta
    • Félag íslenskra teiknara
    • Fatahönnunarfélag Íslands
    • Félag vöru-og iðnhönnuða
    • Félag íslenskra gullsmiða
    • Leirlistafélag Íslands
    • Textílfélagið
    • Starfsemi og hlutverk
    • Starfsfólk
    • Stjórnir
    • Hafa samband
    • Útgefið efni
  • hönnunarverðlaun Íslands
    • English
    • Íslenska

info@honnunarmidstod.is

  • Facebook
  • Instagram
  • Vimeo
hönnunarverðlaun Íslands
Aftur í HA/fréttir
    • English
    • Íslenska

Minn HönnunarMars - Greipur Gíslason

10. maí 2021

Hvernig verður HönnunarMarsinn þinn? Greipur Gíslason, ráðgjafi og fyrrum stjórnandi HönnunarMars deilir hvaða sýningum hann ætlar ekki að missa af á HönnunarMars í maí 2021.

Nú er HönnunarMars í maí er að bresta á í allri sinni dýrð. Dagskráin telur um 80 sýningar sem breiða úr sér um bæinn og því vel við hæfi að fá smá leiðsögn í gegnum fjölbreytta dagskrá sem endurspeglar einstaka grósku íslensks hönnunarsamfélags.

Framtíðin, tækni, sjálfbærni, náttúra, arfleifð og nýsköpun er þátttakendum hugleikin viðfangsefni á hátíðinni í ár sem veitir innblástur inn í nýja tíma.

Næstu vikuna munum við deila hvaða sýningum vel valdir aðilar ætla ekki að láta framhjá sér fara á HönnunarMars í maí 2021 undir yfirskriftinni Minn HönnunarMars.

„Það eru margar leiðir til að upplifa HönnunarMars. Frá upphafi má segja að ég hafi nálgast hátíðina með All In-aðferðinni. Hún krefst þess að fólk annað hvort losi sig úr vinnu og frá öðrum verkefnum meðan á hátíðinni stendur, og helst daginn eftir að henni lýkur, eða sem kannski ekki allir geta hreinlega gera HönnunarMars-þátttöku að atvinnu. Ég hef prófað báðar aðferðirnar.

Hvort sem fólk beiti All In–aðferðinni eða öðrum nálgunum er alltaf til bóta að skipuleggja sig aðeins. (Nauðsynlegt reyndar í All In.) Ekki síst nú á dögum þegar takmarkanir geta valdið því að viðburðir hreinlega fyllist.

Í ár ákvað ég að byrja á að skipuleggja þéttan HönnunarMars-laugardag og deili honum glaður hér.“
Hægt verður að fylgjast með öðru sem Greipur og Sara Jónsdóttir gera á HönnunarMars með því að fylgja myllumerkinu #jointexdirectorsprogram á samfélagsmiðlum.

Fylgið okkur

Ég ætla að hefja daginn í miðju höfuðborgarinnar. Ásinn stoppar mjög nálægt Gerðarsafni í Kópavogi. Safnið opnar kl. 10 en við megum engan tíma missa og því mæti ég uppúr 9 og sest á nýoppnað kaffihús Reykjavík Roasters á jarðhæð safnsins. Með því verð ég til í slaginn.

Á Gerðarsafni hefur HönnunarMars-sérfræðingurinn Sara Jónsdóttir stýrt sýningunni Fylgið okkur. Á sýningu Söru teflir hún fram spennandi hönnuðum sem eru kannski ekki að stíga sín fyrstu skref en verður án efa spennandi að fylgjast með í náinni framtíð. Þverfagleg vinna verður áberandi á sýningunni en þar verða verk eftir hönnuði úr öllum geirum hönnunar.

Fylgið okkur

Mygluprentari

Næst er ferðinni heitið á Lækjartorg. Ásinn kemur okkur hratt og örugglega á leiðarenda. Í skemmtilegu gróðurhúsi Borgarinnar á torginu hafa 3 hönnuðir komið sér fyrir á hátíðinni. Frá upphafi hefur HönnunarMars veitt innsýn í öll stig hönnunarferlisins. Allt frá hugmynd, eða jafnvel vísi að hugmynd, til fullmótaðrar vöru eða byggingar.

Á Lækjartorgi á sér stað rannsókn á lífrænni prentun. Er hægt að prenta með myglusvepp? Hvað gerist að prentun lokinni, stækkar prentverkið og breytist?

Ekta HönnunarMars-viðburður sem býður okkur velkomin í nýtt rými og kynnir okkur nýja hugmynd. Kannski breytir hún heiminum, kannski ekki.

Mygluprentari

Rennsli

Við stefnum upp á Skólavörðuholt. Á leiðinni þangað stöldrum við á Skólavörðustíg og upplifum mjög týpískan en spennandi HönnunarMars-viðburð. Í gluggum Rammagerðarinnar verður keramikrenniverkstæði þar sem lærðir keramikhönnuðir bjóða öðrum hönnuðum upp í dans við rennibekkinn. Án efa myndræn og skemmtileg innsetning.

Rennsli

Hlutverk

Ásmundarsalur við Freyjugötu hefur frá endurnýjun skipað sér fastan sess í dagskrá HönnunarMars. Félag vöruhönnuða efnir til áhugaverðrar sýningar undir nafninu Hlutverk. Þar er hlutum sem hafa misst hlutverk sitt fundið nýtt. Í aðdraganda sýningarinnar hafa þeir 14 hönnuðir og teymi sem taka þátt skipst á að dvelja í Gryfjunni og þannig unnið fyrir opnum tjöldum.

Sýningin er líka uppboð. Ég hef náð að fylgjast aðeins með Instagram-reikningi vöruhönnuða og sýnist stefna í áhugaverðar niðurstöður.

Skemmtilegt tilviljun að í Ásmundarsal er einnig að finna kaffihús Reykjavík Roasters. Nú veit ég ekki hverjir siðir ykkar og venjur eru en hafi einhverjir neitað sér um einn hélaðan af krananum í Gerðarsafni er engin ástæða til að neita sér um glas af köldu hvítvíni í Ásmundarsal.

Hlutverk

Ástarbréf til Sigvalda Thordarsonar

Myndlistarmaðurinn Loji Höskuldsson byrjaði fyrir nokkrum árum að mynda hús Vopnfirska arkitektsins Sigvalda Thordarsonar. Myndirnar hefur hann birt á Instagram-reikningi sínum sem hefur jafnt og þétt safnað fylgjendum. Það kom Loja á óvart hversu mikillar athygli og aðdáunar húsin og verkefnið hans naut og því hefur það undið upp á sig. Á HönnunarMars kemur út bók með myndum hans og laugardaginn 23. maí er efnt til rútuferðar með leiðsögn.

Við bókum okkur sæti í leiðsöguferðinni sem leggur upp frá Ásmundarsal kl. 14:00.

Ástarbréf til Sigvalda Thordarsonar

Hönnun í anda Ásmundar

Það er ekki ólíkegt að stemmingin sé góð í rútuferðinni með Loja Höskuldssyni og mögulega hægt að fá að hoppa úr við Ásmundarsafn við Sigtún. Ef ekki má grípa sér hlaupahjól og hendast á spennandi sýningu í Ásmundarsafni. Þar hefur Listasafn Reykjavíkur falið leiðandi íslenskum vöruhönnuðum að hanna muni í anda myndhöggvarans Ásmundar Sveinssonar. Ásmundarsafn er staður sem margir koma of sjaldan í og því rakið tækifæri að drífa sig á HönnunarMars.

Eftir heimsókn í Ásmundarsafn er komið að því að finna sér góðan stað fyrir drykk og smá hvíld áður en haldið er á síðasta viðburð dagsins á HönnunarMars.

Hönnun í anda Ásmundar

Arfisti – gjörnýting skógarkerfils

Síendurtekið pop-up eldhús Sono matselja í Norræna húsinu er kærkomin viðbót í veitingastaðafjóru borgarinnar. Matstofa Alvars Aalto í Norræna húsinu er enda einn fallegasti útsýnisstaður Reykjavíkur. Arfisti leggur matseljunum lið á HönnunarMars en á matseðli helgarinnar eru réttir sem innihalda skógarkerfil. Hér ætla ég að enda opinbera dagskrá mína á þessum laugardegi í HönnunarMars. Minni gesti á að það er öruggara að panta borð.

Arfisti – gjörnýting skógarkerfils

Ekki missa af HönnunarMars í maí!

Kynntu þér dagskránna í heild sinni á heimasíðu hátíðarinnar hér.

Ýttu hér

Tengt efni

  • HönnunarMars breiðir úr sér í maí

  • Hönnuðir taka yfir … á Instagram

  • Minn HönnunarMars - Arna Schram

  • Minn HönnunarMars - Hrólfur Cela

  • Minn HönnunarMars - Björg Magnúsdóttir

  • Minn HönnunarMars - Bergur Ebbi

Dagsetning
10. maí 2021
Höfundur
Álfrún Pálsdóttir

Deila

  • Facebook
  • Twitter
  • Pinterest

Tögg

  • Greinar
  • HönnunarMars
  • Minn HönnunarMars

Miðstöð hönnunar og arkitektúrs
Gróska, Bjargargata 1
102 Reykjavik

info@honnunarmidstod.is

  • Facebook
  • Instagram
  • Vimeo
  • Pinterest
© Hönnunarmiðstöð 2025.

Sími 771 2200