Endurmenntun Landbúnaðarháskóla Íslands stendur fyrir námsstefnu um uppbyggingu ferðamannastaða en námskeiðið er í samstarfi við Miðstöð hönnunar og arkitektúrs. Námskeiðið er ætlað þeim sem koma að skipulagi, hönnun, framkvæmdum og umsjón ferðamannastaða. Það fer fram 20. apríl milli 10-15 og námsstefnustjóri er Anna María Bogadottir arkitekt. 

Endurmenntun Landbúnaðarháskóla Íslands stendur fyrir námsstefnu um uppbyggingu ferðamannastaða en námskeiðið er í samstarfi við Miðstöð hönnunar og arkitektúrs. 

Námskeiðið er ætlað þeim sem koma að skipulagi, hönnun, framkvæmdum og umsjón ferðamannastaða, þeirra á meðal fulltrúum sveitarfélaga, landeigendum, verktökum, arkitektum, landslagsarkitektum, skipulagsfræðingum og áhugamannafélögum.

Fjallað er um þá skipulags- og undirbúningsvinnu sem þarf að liggja fyrir áður en framkvæmdir hefjast, meðal annars skráningar fornleifa og menningarminja, leyfisveitingar, öryggismál og  fjármögnun verkefna. Einnig verður fjallað  skipulags- og hönnunarferli frá hugmynd til veruleika með það fyrir augum að innviðauppbygging byggist á fagmennsku og vönduðum undirbúningi svo hún hafi ekki í för með sér röskun á náttúru og menningarminjum.

Að námskeiði loknu eiga þátttakendur að hafa öðlast yfirsýn og skilning á ólíkum þáttum skipulags- og hönnunarvinnu sem er undanfari framkvæmda á áfangastöðum.

Fyrirlesarar eru Guðrún Dóra Brynjólfsdóttir verkefnastjóri Framkvæmdasjóðs ferðamannastaða hjá Ferðamálastofu, Gunnar Óli Guðjónsson landslagsarkitekt, Hrólfur Karl Cela arkitekt og meðeigandi Basalts, Hörður Lárusson eigandi Kolofon, Sigbjörn Kjartansson arkitekt hjá Gláma-Kím, Sólrún Inga Traustadóttir fornleifafræðingur hjá Minjastofnun, Uggi Ævarsson minjavörður hjá Minjastofnun og Þráinn Hauksson landslagsarkitekt hjá Landslag.

Námsstefnustjóri er Anna María Bogadóttir, arkitekt. 

Námskeiðið fer fram þriðjudaginn 20. apríl milli kl. 10-15 og er haldið hjá LBHÍ á Keldnaholti, Árleyni 22 Reykjavík, en boðið verður upp á streymi fyrir þá sem búa fjarri höfuðborginni eða eiga ekki heimangengt þennan dag og verður linkur sendur á þátttakendur deginum áður. 

Hér má finna skráningu og nánari dagskrá. 

Hönnun­ar­sam­keppni fyrir brú yfir Fossvog

HLUTVERK - opið kall í sýningu Félags vöru- og iðnhönnuða á HönnunarMars í maí

Hönnunarsamkeppni: Viðbygging og endurbætur á Ráðhúsi Akureyrarbæjar 

Námskeið um uppbyggingu ferðamannastaða

Deila

Tögg