Ný stjórn FÍT

Aðalfundur FÍT 2024 var haldinn í Fenjamýri í Grósku þann 9. desember síðastliðinn þar sem ný stjórn var kjörin.

Gísli Arnarson gaf ekki kost á sér til áframhaldandi setu sem formaður og kann FÍT honum bestu þakkir fyrir góð störf á undanförnum árum. Alexander Le Sage De Fontenay og Elís Gunnarsdóttir sitja áfram í stjórn og Elías Rúni heldur áfram sem fulltrúi Fyrirmyndar.

Eitt sæti í stjórn var laust, sem og staða formanns og nemandafulltrúa.

Dagur Eggertsson bauð sig fram sem nemendafulltrúa og var kosinn án mótframboðs.

Hildur Helga Jóhannsdóttir og Sif Svavarsdóttir buðu sig fram í laust sæti í stjórn. Hildur Helga Jóhannsdóttir hlaut meirihluta atkvæða og tekur sæti í stjórn.

Anton Jónas Illugason bauð sig fram sem formann FÍT og var kosinn án mótframboðs.

Stjórn FÍT býður nýtt fólk velkomið til starfa og hlakkar til komandi starfsárs!