Samstarf Farmers Market og Aurora Foundation frumsýnt
![](https://images.prismic.io/midstod-honnunar-og-arkitekturs/0ad27110-0ff5-42a5-b4e9-b56c462eb827_Farmers.jpg?auto=compress,format&rect=0,0,1280,960&w=1620&h=1215)
Fyrr á þessu ári fóru eigendur Farmers Market í ævintýraferð til Síerra Leóne þar sem markmiðið var að kynnast því starfi sem Velgerðarsjóðurinn Aurora Foundation er með á svæðinu og kanna möguleika á samstarfi. Fyrstu vörurnar eru nú komnar til landsins þar sem einstök hönnun Farmers Market og hæfni handverksfólksins blandast saman í glæsilegri útkomu.
Aurora velgerðarsjóður var stofnaður árið 2007 og er meginstarfsemi sjóðsins í Síerra Leóne og á Íslandi. Hlutverk sjóðsins er að styðja við þróun og menningu með verkefnum sem örva samfélög á sjálfbæran máta. Meginverkefni undanfarinn ára hafa verið fræðsluverkefnið Aurora Impact og hönnunarverkefnið Sweet Salone. Með Sweet Salone verkefninu, sem hófst 2017, hefur verið unnið að samtengingu íslenskra hönnuða og handverksfólks í Síerra Leóne.
Farmers Market fór með það að markmiði að þróa vörur í samstarfi við þetta færa handverksfólk. Fyrstu vörurnar í þessu skemmtilega samstarfi eru nú komnar alla leið frá Síerra Leóne og von er á fleirum á næsta ári.
Í tilefni þess að fyrstu vörurnar eru nú komnar í sölu í Farmers Market bjóða þau í notalegan stund í verslun sinni á Granda. Þar verður hægt að kaupa fyrstu vöruna, heyra betur frá verkefninu og þiggja léttar veitingar.
![](https://images.prismic.io/midstod-honnunar-og-arkitekturs/d3f9e4be-78d6-4ac8-8c27-72cc1d62d414_Farmers+aurora.jpg?auto=compress,format)