Sögulegarbyggingar í Garðabæ

Sunnudaginn 25. október klukkan 13 flytur Pétur H. Ármannsson arkitekt erindi í Hönnunarsafni Íslands.

Garðabær á sér mun ríkulegri byggingararf en ætla mætti í fljótu bragði. Í tilefni af 50 ára kaupstaðarafmæli Garðabæjar mun Pétur H. Ármannsson arkitekt fjalla um nokkrar sögulegar byggingar í Garðabæ frá ólíkum tímaskeiðum sem vitna um þróun byggðar og samfélags á ólíkum tímaskeiðum í sögu bæjarfélagsins. Sum þessara verka þóttu tíðindum sæta í íslenskri byggingarlist á sínum tíma og standa enn í dag sem sem vitnisburður um það besta í verkkunnáttu og listfengi genginna kynslóða.

Fyrirlesturinn fer fram í Sveinatungu, fundarsal bæjarstjórnar  við Garðatorg 7. Frítt er inn á viðburðinn meðan húsrúm leyfir.