Yrki arkitektar hlutu 1. verðlaun í samkeppni um viðbyggingu við Ráðhús á Akureyri. Samkeppnin var haldin af Umhverfis- og mannvirkjasviði Akureyrabæjar í samstarfi við Arkitektafélag Íslands. Samkeppnin, sem var opin forvalskeppni, var auglýst 1. mars sl. og var tilkynnt var um úrslitin 19. júlí síðastliðinn.

Í niðurstöðu dómnefndar um vinningstillöguna frá Yrki segir: „Tillagan er í senn bæði nútímaleg, fáguð og ber ytri ásýnd tillögunnar með sér ákveðna festu sem fellur vel að hlutverki hússins sem Ráðhús Akureyrar. Samspil hins nýja við hið gamla ber með sér virðingu fyrir sögu hússins, en slær um leið skýran og metnaðarfullan tón til framtíðar. Með tilkomu þverbyggingarinnar verður til minni inngarður á lóðinni sem gæti orðið skemmtileg viðbót við bæjarmyndina. Inngarðurinn snýr til suðvesturs og færir hluta af starfsemi ráðhússins nær íbúum bæjarins. Þannig má vel sjá fyrir sér að garðurinn verði vinsæll viðkomustaður á góðviðrisdögum bæði meðal starfsmanna ráðhússins og annarra íbúa."

Alls bárust 14 umsóknir um þátttöku í forvalinu. Forvalsnefnd gaf umsóknum stig í samræmi við forvalsgögnin og var niðurstaðan að fjórum arkitektastofum var boðin þátttaka í boðkeppninni: A2F arkitektum, Studio 4A, Studio Granda og Yrki arkitektum.

Dómnefnd lagði höfuðáherslu á eftirfarandi atriði við mat sitt á úrlausnum keppenda:

Að viðfangsefnið sé leyst á heildstæðan hátt með vandaðri og góðri byggingarlist sem styrki ímynd hússins sem Ráðhús Akureyrar

Að nýting rýma sé góð og bjóði upp á sveigjanleika og fjölbreytileika í útfærslu á vinnustöðvum

Að viðmót byggingarinnar gagnvart almenningi og lóðarhönnun styrki nánasta umhverfi

Að umferðar-, aðgengis- og öryggismál séu vel leyst

Að öll byggingarefni uppfylli ítrustu kröfur um góða endingu og lágmarksviðhald

Að umhverfissjónarmið, sjálfbærni og vistvæn hönnun séu höfð að leiðarljósi við hönnun

Að viðbygging og breyting á eldra húsi sé góð byggingarlist sem falli vel að umhverfi sínu

Að tillagan falli vel að heildarkostnaðarviðmiði verkkaupa

Hulda Sif Hermannsdóttir, aðstoðarmaður bæjarstjóra Akureyrarbæjar 

Kristján Örn Kjartansson, arkitekt FAÍ 

Sigurjón Jóhannesson, umhverfis- og mannvirkjaráði Akureyrarbæjar

Valbjörn Ægir Vilhjálmsson, byggingafræðingur BF

Ásthildur Sturludóttir, bæjarstjóri Akureyrarbæjar

Unnar Jónsson, nefndarmaður í umhverfis- og mannvirkjaráði. (Tilnefndur í forföllum Jönu Salóme I. Jósepsdóttur, áheyrnarfulltrúi í umhverfis- og mannvirkjaráði Akureyrarbæjar)

RÁÐHÚS_DNÁLIT_20210713.pdf

Höfundar: Yrki arkitektar ehf. Sólveig Berg Emilsdóttir arkitekt, Ásdís H Ágústsdóttir arkitekt, Sigurður Kolbeinsson arkitekt, Melanie Lorenz arkitekt, Yngvi Karl Sigurjónsson arkitekt, Magnús Már Þorvarðarson arkitek

Höfundar: Studio 4A. Walter Hjaltested, Caterina Decker, Brynjar Darri Baldursson og Ólafur Baldvin Jónsson.

Höfundar: A2F ARKITEKTAR ehf.  Aðalheiður Atladóttir arkitekt, Falk Krüger arkitekt, Björg Elva Jónsdóttir byggingafræðingur, Davið Karlsson byggingafræðingur, Rick Ahnert arkitektanemi, Þórhildur Þórhallsdóttir landslagsarkitekt hjá Landmótun, Rósa Dögg Þorsteinsdóttir lýsingarhönnuður hjá Ljósark, Kristrún Gunnarsdóttir hljóðfræðingur hjá Myrru hönnunarstofu og Mannvit. 

Höfundar: Studio Granda ehf. Margrét Harðardóttir og Steve Christer

Hönnunarsamkeppni: Viðbygging og endurbætur á Ráðhúsi Akureyrarbæjar 

Yrki arkitektar hanna nýtt ráðhús á Akureyri

Deila

Tögg