Löggilding landslagsarkitekta

Starfsheitið landslagsarkitekt er löggilt starfsheiti hér á landi skv. lögum um löggildingu nokkurra starfsheita sérfræðinga í tækni-og hönnunargreinum, nr. 8/1996, með síðari breytingum.

Atvinnuvegaráðuneytið veitir leyfi um starfsheiti. Send er skrifleg umsókn um löggildingu starfsheitis ásamt staðfestu ljósriti prófskírteina til Atvinnuvegaráðuneytisins – Borgartún 26 – 105 Reykjavík. Æskilegt er að nota staðlað eyðublað ráðuneytisins og er það aðgengilegt á netinu: eyðublað.

Meðferð umsóknar: Atvinnuvegaráðuneytið sendir umsókn og ljósrit prófskírteina til umsagnar FÍLA. Stjórn félagsins fer yfir umsóknir og menntanefnd félagsins er stjórn til aðstoðar um inntöku nýrra félaga og leyfisveitinga vegna starfsheitis. Ef umsögn FÍLA er jákvæð er hún send ráðuneytinu. Atvinnuvegaráðuneytið útbýr leyfisbréf og umsækjanda er tilkynnt að leyfisbréfið sé til afhendingar í ráðuneyti gegn greiðslu.

Fullgildir félagsmenn geta einir sett skammstöfunina FÍLA fyrir aftan starfsheitið landslagsarkitekt.