Félag íslenskra teiknara

Tilgangur Félags íslenskra teiknara er að gæta hagsmuna teiknara á sviði grafískrar hönnunar, auglýsinga- og myndskreytinga. Félaginu er ætlað að efla og styrkja atvinnugreinina með faglegri fræðslu, sýningum o.fl. Félagið veitir félagsmönnum sínum aðstoð við fagleg og lögfræðileg atriði og gætir réttinda félagsmanna sinna.

Hafa samband

Fylgstu með okkur á samfélagsmiðlum
Facebook
Instagram

FÍT er aðildarfélagi að Art Directors Club of Europe eða ADC*E sem eru samtök félaga evrópskra hönnuða og auglýsingagerðarfólks. Verk sem vinna til verðlauna í hinni árlegu FÍT keppni öðlast þátttökurétt í alþjóðlegri samkeppni ADC*E þar sem það besta í grafískri hönnun og auglýsingagerð í Evrópu er verðlaunað ár hvert. Keppnin er dæmd af um 50 fagaðilum alls staðar að úr Evrópu, en FÍT sendir árlega dómnefnd úr röðum félagsins. Formaður FÍT á sæti í stjórn ADC*E.

             Heimasíða ADC*E:  www.adceurope.org 

Gullverðlaun
árið 2013 hlaut Sigga Rún, grafískur hönnuður frá LHÍ, gullverðlaun í nemendaflokki (European Student of the Year) fyrir lokaverkefni sitt úr Listaháskóla Íslands „Líffærafræði leturs | fornir íslenskir bókstafir“. Verkefnið var bók um sjö forna bókstafi sem innihélt teikningar og líffræðilegar útskýringar um stafina. 

Gullverðlaun
árið 2012 hlaut Siggi Eggerts, grafískur hönnuður frá LHÍ, gullverðlaun fyrir myndskreytingar sínar sem hann vann í samstarfi við auglýsingastofuna Jónsson & Le'Macks fyrir auglýsingar Landsbankans. Myndskreytingar Sigga hlutu gullverðlaun í flokknum „Myndskreytingar og ljósmyndun“.

Gullverðlaun
árið 2008 hlaut Mar­grét Lindquist, graf­ísk­ur hönnuður frá Mynd­list­ar­skól­an­um á Ak­ur­eyri, gullverðlaun sem „nem­andi árs­ins í Evr­ópu árið 2008". „Ég vildi gera flösku fyr­ir ís­lenskt vatn, og vinna með tær­leik­ann og því ferska eða þess­um grund­vall­ar­atriðum sem vatn stend­ur fyr­ir," seg­ir Mar­grét og bæt­ir við að hún hafi viljað gera flösku sem væri líka skraut, t.d á veit­inga­stöðum og þegar borð er dekkað.  „Hring­irn­ir á flösk­unni eru drop­ar á vatns­yf­ir­borði.  Þaðan kom hug­mynd­in að hringj­un­um, hvíti lit­ur­inn er tákn­rænn fyr­ir hið tæra og kalda í vatni," seg­ir Mar­grét.

ADC*E Verðlaunaafhending 5.febrúar 2020