Saga um framhaldslíf. Hvernig getur fartölvutaska orðið að stórum sófa? Svarið við þeirri spurningu er samofið sífelldri leit okkar að nýjum leiðum til að flétta endurnýtingu inn í daglega starfsemi Icelandair. Kíktu við í Hörpu á HönnunarMars og sjáðu afrakstur samstarfs Rebekku Ashley vöruhönnuðar og Icelandair. 

Saga um framhaldslíf. Hvernig getur fartölvutaska orðið að stórum sófa? Svarið við þeirri spurningu er samofið sífelldri leit Icelandair að nýjum leiðum til að flétta endurnýtingu inn í daglega starfsemi. Kíktu við í Hörpu á HönnunarMars og sjáðu afrakstur samstarfs Rebekku Ashley vöruhönnuðar og Icelandair. 

Þegar kom að því að taka til í geymslunum í aðdraganda flutninga höfuðstöðva Icelandair fundust þó nokkuð magn af gölluðum fartölvutöskum. Töskurnar urðu að fá framhaldslíf og því var haft samband við Rebekku Ashley vöruhönnuð því hennar sýn á endurnýtingu og sjálfbærni er innblástur fyrir okkur öll. 

Rebekka Ashley er vöruhönnuður, útskrifuð frá Listaháskóla Íslands árið 2020. Hún varð snemma hluti af verkefninu Flock till you drop sem beinir sjónum fólks að því magni af fatnaði og öðrum textíl sem til fellur. Verkefnið hefur haft mikil áhrif á Rebekku því í dag er umhverfisvitund, sjálfbærni og endurnýting uppsprettan að allri hennar sköpun. 

Rebekka byrjaði með þrjár hugmyndir sem allar áttu það sameiginlegt að búa yfir notalegu notagildi. Hún hannaði skýlaga höfuðpúða til að hvíla þreytta kolla á ferðalagi. Einnig fæddust skýlaga skór fyrir þau sem vilja svífa um á blágráu textíl skýi. Hugmyndin sem var valin til framleiðslu var mjúkur og fjallslaga sófi sem fékk nafnið Lög.  

Fyrsta skrefið var hugmyndavinna. Rebekka sótti innblástur í sögu Icelandair og sögu flugs á Íslandi. Í þeirri sögu spila fjöll stórt hlutverk enda er áskorun að efla flugsamgöngur í landi sem er skorið þröngum fjörðum með háum fjöllum sem hafa áhrif á veður og vinda sem um þau leika. 

Með fjallsformin fyrir augum hóf Rebekka að taka í sundur yfir 600 fartölvutöskur, greina efnin, t.d. eftir hitaþoli svo meta mætti hvort um gerviefni væri að ræða, og flokka eftir bæði tegundum, lit og áferð. Að því loknu var hægt að sauma efnisbútana saman í heildstæðan textíl til að vinna með. Þá gat Rebekka klippt út formin og farið að sauma saman vísir að sófa. Ferlið þurfti hún að endurtaka margsinnis og þróaði hún aðferðina samhliða framvindu verkefnisins. 

Sófinn er óður til íslenskra fjalla. Rebekka fékk innblásturinn að lögun hans úr náttúrulegum formum fjallanna og hvernig þau form birtast í hæðarlínum sem notaðar eru við kortagerð. Þessi nálgun gefur sófanum einstakt útlit því hann byggist upp lag fyrir lag með mjúkum línum og forvitnilegu yfirbragði. 

Alls voru nýttar um 625 fartölvutöskur í sófann og allt sem féll til var nýtt. Rennilásar, segusmellur og önnur harðgerð efni voru nýtt í fyllingu í neðsta lag sófans. Efnisbútar og afgangar í bland við svamp og bómull voru nýtt í önnur lög hans.  

 Kíktu við í Hörpu á HönnunarMars og berðu gripinn augum!

Af tösku ertu kominn. Icelandair & HönnunarMars 2023

Afgangs auðlind verður að veröld vellíðanar

HönnunarMars fyrir áhugafólk um arkitektúr

Af tösku ertu kominn

Deila

Tögg