Arkitektúrdeild LHÍ býður félagsmönnum AÍ til leiðsagnar um sýningu BA útskriftarnema í arkitektúr
Arkitektúrdeild Listaháskóla Íslands býður félagsmönnum Arkitektafélags Íslands til leiðsagnar um sýningu BA útskriftarnema í arkitektúr mánudaginn 24. maí. Leiðsögnin hefst klukkan 14:00 í Listasafni Reykjavíkur, Hafnarhúsi.
Leiðbeinendur lokaverkefnis eru Dagur Eggertsson og Hjördís Sóley Sigurðardóttir. Sigrún Birgisdóttir hélt utan um hönnunargreiningu. Hjördís Sóley mun vera á staðnum og kynna verkefnið ásamt nemendum sem fjalla um sínar útfærslur.
---
Um verkefnið:
Vistþorp
Með þróun samfélaga sem fóru frá því að reiða sig nær eingöngu á landbúnað yfir í að einblína aðallega á framleiðslu hefur samband mannsins við náttúruna gjörbreyst. Hin eðlislæga þekking á því að viðhalda vistkerfum er horfin og við lifum oft umfram það sem jörðin getur gefið, við lítum þannig á náttúruna einungis sem auðlind og á dýr sem vélar. Með verkefninu var markmiðið að leita að mynstrum í okkar daglega lífi sem gætu veitt innblástur að nútímalegu lífi í nánara sambandi við náttúruna. Ásetningurinn var að einblína á þær áskoranir sem blasa við okkur og kynna aðrar leiðir til að lifa þar sem kostir þess að búa í þéttbýli og tengsl við náttúruna geta haldist í hendur.
Verkefnið var að hanna vistþorp í Viðey með smáhýsum sem henta fólki á ólíkum aldri. Þorpið átti að svara þeim þörfum sem ólíkar aðstæður lífsins kalla eftir og lausnir sem leysa vandamál jafnt fyrir samfélagið í heild sinni og fyrir hvern einstakanþorpsbúa.
Hönnunin og hugmyndin þurfti að taka mið af sameiginlegum flötum samfélagsins - rými þar sem hægt er að safnast saman, til dæmis þar sem haldin eru námskeið og menntun fer fram, dagvistun barna, sameiginlegar máltíðir, matarræktun og verslanir.Ásamt tillögu að þorpi þurftu nemendur að koma á raunhæfu vegakerfi og göngustígakerfi innan þorpsins, á milli þorpanna og þvert á eyjuna, ásamt því að tengjast meginlandinu. Gert var ráð fyrir að sumir þorpsbúa myndu frekar kjósa að ferðast til meginlandsins til náms og vinnu, en aðrir myndu kjós að lifa daglegu lífi helst á eyjunni. Þorpinu var einnig ætla að vera opið og bjóða utanaðkomandi fólk velkomið, til dæmis með námskeiðum og með því að mennta fólk í vistvænu líferni. Annað sem haftvar til umhugsunar var möguleiki á brú eða ferju sem tengdi eyjuna við tilvonandi svæði á Gufunesi þar sem sköpun og sjálfbærni verður höfð í hávegum.