Epal og Paper Collective sameina krafta sína og leita að næsta íslenska hönnuði til að hanna veggspjald fyrir Paper Collective sem sérhæfa sig í veggspjöldum og leggur það upp úr fallegri og tímalausri hönnun. Vel valdir listamenn hafa skapað veggspjöld fyrir hönd Paper Collective sem skreyta í dag mörg heimili um allan heim. Skilafrestur til 23. júní. 

Keppnin er opin öllum þeim sem eru með sköpunar- og hönnunar áhuga í fyrirrúmi. Dómnefnd velur þrjú verk sem vinna til verðlauna og verða verkin sýnd í Epal Gallerí, Laugavegi 7, dagana 15. ágúst til 29. ágúst. 

Peningaverðlaun eru fyrir þrjú efstu sætin. Verðlaunin eru eftirfarandi: 

1. Sæti  - 200.000 kr. ásamt þóknun af sölu (Royalty samningur), andvirði a.m.k. 100.000 kr. 

2. Sæti  - Þóknun af sölu (Royalty samningur), andvirði a.m.k. 100.000 kr. 

3. Sæti - Þóknun af sölu (Royalty samningur), andvirði a.m.k. 100.000 kr. 

Morten Kaaber – Stofnandi Paper Collective 

Kjartan Páll Eyjólfsson – Framkvæmdarstjóri Epal 

Erla María Árnadóttir – Grafískur hönnuður (FÍT) 

Maria Duda – Grafískur hönnuður Paper Collective 

Skilafrestur er til 23. júní 2022.
 
Allar tillögur skal senda, ásamt stuttri lýsingu á listamanni og verki, á netfangið: samkeppni@epal.is 

Athugið að hver hönnuður má senda inn fleiri en eitt verk. Ítarlegri upplýsingar um keppnina er að finna hér. 

Við hvetjum þátttakendur til að kynna sér stefnu Paper Collective á heimasíðu þeirra hér. 

Verkinu ber að skila gegnum netfang og má hugmyndin ekki hafa birst né verið söluvara með neinum hætti áður. 

Paper Collective áskilur sér rétt á verkinu eftir keppnina.

Ókláruð og stolin verk eru ekki samþykkt. 

Með því að taka þátt í keppninni samþykkir þátttakandi að for- og eftirnafn hans megi vera birt af skipuleggjendum þegar tilkynnt er um vinningshafa.

Allar leiðbeiningar um skráningu skulu teljast vera hluti af skilmálunum og með því að skrá þig í keppnina samþykkir hönnuður þessa skilmála. 

Peningaverðlaun eru aðeins úthlutuð ef listamaður samþykkir skilyrði. 

HönnunarMars borgarhátíð Reykjavíkur 2023-2025

Miðstöð hönnunar og arkitektúrs boðið í evrópusamtök hönnunarfélaga BEDA

Ert þú næsti hönnuður Paper Collective?

Deila

Tögg