FÍT byrjar árið með örfyrirlestrum og ADC*E Night á KEX Hostel
![](https://images.prismic.io/midstod-honnunar-og-arkitekturs/97064c63-7448-40b5-bb4e-ebd6e36d7df6_FI%CC%81T+og+ADCE.jpg?auto=compress,format)
FÍT byrjar árið með örfyrirlestrum og ADC*E Night á KEX Hostel miðvikudagskvöldið 5. febrúar 2020. Fljótandi veigar meðan birgðir endast! Frítt inn og allir velkomnir. Á dagskrá eru Art Directors Club of Europe 2019 verðlaun og viðurkenningar verða afhent formlega. Ásamt örfyrirlesturum frá Selmu Rut Þorsteinsdóttur og Birni Jónssynifrá Pipar/TBWA og Viktori Weisshappel Vilhjálmssyni.
Selma Rut Þorsteinsdóttir og Björn Jónsson frá Pipar/TBWA segja frá He for She-herferð UN Women, Kynbundið ofbeldi er nær en þú heldur. Í herferðinni voru íslenskir karlmenn fengnir til að lesa upp frásagnir kvenna frá ýmsum heimshornum af kynbundnu ofbeldi, en vissu ekki að fórnarlambið í síðustu sögunni sat á móti þeim. Herferðin vakti gríðarlega sterk viðbrögð og kom fljótt í ljós að þær sönnu tilfinningar sem þar birtast hreyfa við fólki, óháð landamærum. Herferðin hlaut tilnefningu ADC*E en hefur auk þess hlotið fjölda verðlauna og viðurkenninga hér heima og erlendis, þar á meðal gullverðlaun á Clio awards.
Viktor Weisshappel Vilhjálmssoni segir frá verkefninu Útmeða, sem var unnið í samstarfi við Rauða Kross Íslands og Landssamtökin Geðhjálp. Með verkefninu tók Viktor fyrir tilfinningar og/eða andlegt ástand sem fólk á það til að fela og útbjó 11 bætur sem hægt er að strauja á föt og bera þannig utan á sér. Viktor var valinn bjartasta von Evrópu (e. Young Creative European of the year) á ADC*E fyrir verkefnið auk þess sem það hlaut silfurverðlaun í flokknum grafísk hönnun.
![](https://images.prismic.io/midstod-honnunar-og-arkitekturs/34cf4efc-fe2f-494c-b502-f0df642c945b_FI%CC%81T+Fyrirlestrar+1.png?auto=compress,format)
![](https://images.prismic.io/midstod-honnunar-og-arkitekturs/16e0405e-9e4b-41a6-bcd4-578301f32e3e_FI%CC%81T+Fyrirlestrar+3.png?auto=compress,format)
![](https://images.prismic.io/midstod-honnunar-og-arkitekturs/f923383c-d538-4a2a-86f9-6ae4483725b6_FI%CC%81T+Fyrirlestrar+2.png?auto=compress,format)
![](https://images.prismic.io/midstod-honnunar-og-arkitekturs/c25b3871-04dd-45dd-bea8-26917501ae21_FI%CC%81T+Fyrirlestrar+4.png?auto=compress,format)