Afhending Hönnunarverðlauna Íslands 2022 fer fram í Grósku þann 17. nóvember. Fyrir verðlaunaafhendinguna verður sjónum beint að þeim framúrskarandi og fjölbreyttu verkum sem hljóta tilnefningu til í ár og gestum gefst tækifæri til að fá innsýn og taka þátt í samtali um þau.

Afhending Hönnunarverðlauna Íslands 2022 fer fram í Grósku þann 17. nóvember.

Fyrir verðlaunaafhendinguna verður sjónum beint að þeim framúrskarandi og fjölbreyttu verkum sem hljóta tilnefningu í ár og gestum gefst tækifæri til að fá innsýn og taka þátt í samtali um þau. Í ár tilnefnir dómnefnd sex einstök verkefni til verðlaunanna, en sameiginlegur þráður í þeim öllum er endurnýting efna, samfélagsleg ábyrgð, umhverfi, samstarf, náttúra og nýsköpun. 

Hönnuðir og höfundar tilnefndra verka munu stíga á svið í Grósku og fjalla um verkefnin sín, innblástur, hugmyndir, útkomu og áhrif. Bergur Finnbogason, creative director hjá CCP er kynnir og leiðir samtal ásamt Rúnu Thors, hönnuði og lektor í hönnunardeild Listaháskóla Íslands.  

Í kjölfarið fer afhending Hönnunarverðlauna Íslands fram þar sem veitt verða Heiðursverðlaun Hönnunarverðlauna Íslands, viðurkenning fyrir bestu fjárfestingu í hönnun og loks aðalverðlaunin, Hönnunarverðlaun Íslands 2022. 

Dagskrá - Hönnunarverðlaun Íslands 2022

Fögnum framúrskarandi íslenskri hönnun 

– samtal um Hönnunarverðlaun Íslands 

14:30 Húsið opnar - Kaffi í boði Kaffitárs

15:00 Innsýn inn í tilnefningar til Hönnunarverðlauna Íslands 2022

16:20 Innsýn inn í tilnefningar til Hönnunarverðlauna Íslands 2022

18:00 - 19:00 Afhending Hönnunarverðlauna Íslands 2022

Þar sem sætafjöldi er takmarkaður biðjum við gesti vinsamlegast að skrá sig hér.

Hönnunarverðlaun Íslands varpa ljósi á mikilvægi og gæðum íslenskrar hönnunar og arkitektúrs, enda er vægi hönnunar í menningu, samfélagi og viðskiptalífi alltaf að aukast.

Það er Miðstöð hönnunar og arkitektúrs sem stendur að verðlaununum, í samstarfi við Hönnunarsafn Íslands, Listaháskóla Íslands, Íslandsstofu og Samtök iðnaðarins.


Laufskálavarða þjónustuhús tilnefnt til Hönnunarverðlauna Íslands 2022

Universal Thirst er tilnefnt til Hönnunarverðlauna Íslands 2022

Plastplan er tilnefnt til Hönnunarverðlauna Íslands 2022

Snert á landslagi tilnefnt til Hönnunarverðlauna Íslands 2022

Hljóðhimnar tilnefnt til Hönnunarverðlauna Íslands 2022

Áríðandi tilraunir á raunveruleikanum tilnefnt til Hönnunarverðlauna Íslands 2022

Fögnum framúrskarandi hönnun þann 17. nóvember í Grósku

Deila

Tögg