Hátt á annað hundrað umsóknir bárust fyrir HönnunarMars í maí 2021

1. desember 2020

Við þökkum kærlega okkar öfluga hönnunarsamfélagi fyrir að bregðast hratt við umsóknarfresti fyrir HönnunarMars í maí 2021 sem lauk á miðnætti í gær. Hátt á annað hundrað umsóknir bárust og því ærið verkefni fyrir höndum hjá valnefnd HönnunarMars.

HönnunarMars 2021 fer fram dagana 19-23. maí.

HönnunarMars er 12 ára hátíð sem fæddist í miðju hruni og hefur frá upphafi verið boðberi bjartsýni, nýsköpunar og nýrra leiða. Hátíðin mun halda áfram að koma inn með krafti, veita innblástur og gleði ásamt að varpa ljósi þann kraumandi skapandi kraft sem hönnunarsamfélagið hér á landi hefur að geyma. Við vitum hvorki hvað framtíðin ber í skauti sér né hvernig hátíðarhald verður en ljóst er að alltaf verður þörf á samtalinu. Því ber okkur skylda að halda ótrauð áfram. Það eru bjartari tímar fram undan, HönnunarMars 2021 verður með nýju sniði í takt við nýja tíma.

Þórey Einarsdóttir, stjórnandi HönnunarMars

Við minnum á að hátíðin auglýsir þessa dagana eftir upplifunarhönnuði HönnunarMars en umsóknarferstur rennur út 3. desember næstkomandi. Lestu meira hér.   

Dagsetning
1. desember 2020
Höfundur
Álfrún Pálsdóttir

Tögg

  • Greinar
  • HönnunarMars