HönnunarMars var opnuð með formlegum hætti í Hörpu í gær, 3. maí, þar sem hátíðin var sett af Lilju D. Alfreðsdóttur, menningar- og viðskiptaráðherra, Degi B. Eggertssyni, borgarstjóra og Höllu Helgadóttur, framkvæmdastjóra Miðstöðvar hönnunar og arkitektúrs. 

Fjölmennt var á opnunin og bjartsýni og gleði réð ríkjum þar sem hátíðin var sett fimmtánda árið í röð. Halldór Eldjárn kom fram ásamt því að sviðslistahópurinn Hringleikur lék listir sínar fyrir gesti í hönnun eftir Ýrúrarí. 

Í kjölfarið opnuðu yfir 100 sýningar hátíðarinnar sem breiðir úr sér um alla borg með fjölbreyttum og forvitnilegum hætti. Yfirskrift hátíðarinnar í ár er Hvað nú? þar sem 100 sýningar, 400 þátttakendur og 100 viðburðir endurspegla það sem efst er á baugi á sviði hönnunar og arkitektúrs, veita innsýn inn í nýjar lausnir og hugmyndir og sýna nýjar leiðir til að takast á við áskoranir samtímans til innblásturs fyrir þátttakendur og gesti.

Hátíðin stendur yfir dagana 3. - 7. maí og skapandi tilraunir, endurvinnsla, nýsköpun, endurnýting, verðmætasköpun og leikur eru rauður þráður í dagskránni þar sem ólíkar hönnunargreinar á borð við arkitektúr, grafíska hönnun, fatahönnun, vöruhönnun og stafræna hönnun varpa ljósi á þá miklu grósku sem á sér stað í hönnun hér á landi. 

Hægt er að nálgast alla dagskrá HönnunarMars á heimasíðu hátíðarinnar

35.000 íbúðir á 10 árum: Hvernig er best að gera þetta?

HönnunarMars fyrir áhugafólk um tísku

HönnunarMars 2023 opnar með pompi og pragt

Deila

Tögg