Hátíðin, sem í ár fer fram í fjórtánda sinn, var sett með pompi og pragt í Hörpu í gær af þeim Þóreyju Einarsdóttur, stjórnanda HönnunarMars, Höllu Helgadóttur, framkvæmdastjóra Miðstöðvar hönnunar og arkitektúrs og Degi B. Eggertssyni, borgarstjóra Reykjavíkur. 

Í kjölfar opnunarhófsins dreifði gleðin sér svo um borgina þar sem rúmlega 100 sýningar sem eru á dagskrá opnuðu víðs vegar um höfuðborgarsvæðið. 

„Eftir tvö ár af óvissu og áskorunum þar sem við höfum þurft að aðlaga okkur að nýjum raunveruleika er einstaklega gleðilegt að standa hér með ykkur á þessum fallega degi, þar sem við fögnum saman opnun HönnunarMars í fjórtánda sinn - án þess að vera með grímur!“ Þórey Einarsdóttir, stjórnandi hátíðarinnar

Fyrr um daginn fór fram lykilviðburður hátíðarinnar, alþjóðlega ráðstefnan DesignTalks, sem var einkar vel heppnuð og innblástur út árið fyrir gesti enda leiðtogar á sviði hönnunar og arkitektúrs sem þar stigu á svið. 

Nú tekur við gleði fram á sunnudaginn 8. maí þar sem fjöldi sýningar og viðburða springa út. Leikgleði og forvitini eru einkennandi í ár en viðfangsefnin eru m.a. samskipti, framtíðarsýn, örverur, fuglar, sjálfbærni, heilsa og náttúra. Dagskrá hvers dags má finna hér og  dagskránna í heild má finna hér. 



Kvöldvaka Miðborgarinnar í tilefni HönnunarMars

Bláa Lónið bakhjarl HönnunarMars til næstu þriggja ára 

HönnunarMars settur í Hörpu með lúðrablæstri

Deila

Tögg