Hugmyndasamkeppni - Reykjanesbraut og svæðiskjarni í Smára | Þverun, uppbygging og tengingar

20. janúar 2022

Kópavogsbær í samstarfi við Arkitektafélag Íslands efnir til opinnar hugmyndasamkeppni um þverun, uppbyggingu við og/eða yfir Reykjanesbraut og tengingar fyrir vistvæna ferðamáta í svæðiskjarna í Smára (Smára-, Linda- og Glaðheimasvæði).

Kallað er eftir hugmyndum sem gætu haft áhrif á þróun og uppbyggingu svæðiskjarnans í Smára svo og tengst heildarendurskoðun Reykjanesbrautar og umhverfis hennar. Samkeppnin beinist að því að fá fram hugmyndir sem gera svæðið að öflugri samhangandi einingu.

Tvö fyrirspurnartímabil eru í samkeppninni og lýkur því fyrra 2. desember 2021 og því síðara 31. janúar 2022. Vakin er athygli á því að þessi samkeppni er rafræn.

Skilafrestur tillagna hefur verið framlengdur til 14. febrúar 2022 fyrir kl. 13.00 að íslenskum tíma.

Keppnisgögn er hægt að nálgast í útboðskerfi Kópavogs. Gögnin verða aðgengileg eigi síðar en 10. nóvember 2021 .

Lykildagsetningar eru:

  • Hugmyndasamkeppni auglýst lau. 6. nóvember 2021
  • Keppnislýsing aðgengileg lau. 6. nóvember 2021
  • Samkeppnisgögn afhent mið. 10. nóvember 2021 í útboðskerfi Kópavogs
  • Skilafrestur fyrri fyrirspurnartíma fim. 2. des. 2021.
  • Svör við fyrri fyrirspurnum fim. 9. desember 2021.
  • Skilafrestur seinni fyrirspurnartíma mán. 31. janúar 2022.
  • Svör við seinni fyrirspurnum fös. 4. febrúar 2022.
  • Skilafrestur tillagna mán. 14. febrúar 2022 kl. 13:00
  • Niðurstaða dómnefndar áætluð um miðjan mars 2022

Í dómnefnd sitja:

Tilnefndir af Kópavogsbæ:

  • Hrafnkell Ásólfur Proppé, skipulagsfræðingur, formaður dómnefndar, fulltrúi Kópavogsbæjar.
  • Bergljót Kristinsdóttir, bæjarfulltrúi, fulltrúi Kópavogsbæjar.
  • Hjördís Ýr Johnson, bæjarfulltrúi, fulltrúi Kópavogsbæjar.

Tilnefndir af Arkitektafélagi Íslands:

  • Birkir Einarsson, landslagsarkitekt FÍLA.
  • Hans-Olav Andersen, arkitekt FAÍ, MNAL.
Dagsetning
20. janúar 2022
Höfundur
Gerður Jónsdóttir

Tögg

  • Arkitektúr
  • Samkeppni