Íslenski skálinn í Feneyjum: Framtíðarborgin Eldborg

Einn hluti sýningar íslenska skálans á Feneyjatvíæringnum í arkitektúr, Lavaforming, er stuttmynd sem unnin er af s.ap arkitektum í samvinnu við rithöfundinn Andra Snæ Magnason og Jack Armitage tónlistarmann.

Myndin gerist í framtíðarborginni Eldborg sem er byggð algjörlega úr hrauni - og sýnir þannig vel hvernig hraun getur nýst sem byggingarefni mannvirkja og innviða. Sex íbúar Eldborgar segja áhorfendum frá lífi sínu og útskýra umfang og pólitískar afleiðingar hins nýja byggingarefnis. ​​„Árið er 2150 í Eldborg, þannig að Stofnun Andra Magnasonar, tók viðtöl við 12 íbúa á tíræðisaldri, fólk sem segir hvernig borgin þróaðist og byggðist,“ segir Andri Snær.

Arnhildur Pálmadóttir er fulltrúi Íslands á Feneyjatvíæringnum í arkitektúr auk Arnars Skarphéðinssonar arkitekts og meðhöfundar, Björgu Skarphéðinsdóttur hönnuðar, Andra Snæ Magnasyni rithöfundi, Sukanya Mukherjee arkitekts og Jack Armitage tónlistarmanni. 

Lavaforming, sýning íslenska skálans, stendur yfir frá 10. maí - 23. nóvember 2025.